掃呢頁CODE去手機

2015年10月14日 星期三

私人珍藏 影過吳若希新仔 劉公子:佢都捱咗 20年 [FACE - 438] 劉定成,劉公子,吳若希,MF,



黃子恆同吳若希合作過《倩女喜相逢》和《實習天使》,二人因此成為好朋友,更會在自己嘅社交平台 po對方嘅相。

真面目

私人珍藏 影過吳若希新仔 劉公子:佢都捱咗 20年

娛樂圈最緊要識黐。 18歲入行嘅五綫奀星黃子恆,撈咗十幾年,最近被大台力捧做「新 5虎」,但知名度都唔夠上週被拍得同吳若希同遊赤柱咁搶鏡,一時間被稱為女神新男友,先知黃子恆是誰。

但原來唔只吳若希睇中,早在 N年前,劉公子(原名劉定成, 12年曾因非禮及刑事恐嚇被判入獄 4個月)都認識黃子恆,有傳其中一本集 35名艷照相簿,黃子恆都有份。

舊事重提,劉公子對呢位上位小生都仲有印象,他說:「人哋捱咗 20年先出頭,你寫吳若希,唔好寫我」

33歲黃子恆 18歲喺大台訓練班出身,星運一直未起過,直到近年小生個個離巢,大台留仔心切,簽黃子恆做 10年親生仔,地位亦急升,由 5綫奀星變為新劇《味想天開》做男二,拍住朱晨麗。事業上位中,上週又突然被影到同女神吳若希喺赤柱談情,即刻出名。

上週黃子恆被拍得同吳若希赤柱談情,撈咗十幾年的黃子恆終於上到封面做男主角。圖片

「隔籬仲有 TVB artists!」

黃子恆約到吳若希出街,原來曾因非禮及刑事恐嚇被判入獄 4個月嘅劉公子(劉定成)都睇中, 12年劉公子影一案轟動全城,當中有傳劉公子有一本集齊港男及警察嘅祼照相簿,黃子恆被指係其中一員。事件曝光後,黃子恆才由原先的「子衡」改為現在的名字;而黃子恆喺微博又不時騷肌,又愛同男生外出;加上吳若希上週六(10日)喺活動時回應同黃子恆緋聞時,竟說說:「我當佢係姐姐。」令人更加懷疑黃子恆嘅性向。

眼見黃子恆今日上位,劉公子對呢位當日嘅裸模仲好留意,他說:「人哋捱咗 20年先出頭呀!你寫吳若希啦,唔好寫我喇!(佢幾多歲做你 model?)我唔講住,?家喺 boutique,我隔籬仲有啲 TVB artists,你叫我點講啫。」劉公子尾句先係重點喎。

肌味濃

黃子恆喺微博經常自拍,而且姣電十足,又成日同男性曬太陽。網上圖片

自拍之餘愛騷肌,除了女神冧外,基民亦相當受落。網上圖片

捱了 15年終於做到親生仔,黃子恆微博都開始少騷肌,開始鍚身。網上圖片

黃子恆等到今年先彈起,其實 13年《衝上雲霄 II》劇中他飾演 Nick同胡定欣談情,戲分不算多但都搶鏡。電視畫面

吳若希上週六( 10日)出席活動時,話同黃子恆只係朋友,更話:「我當佢係姐姐。」

捱足 15年,黃子恆(左)今年簽做「親生仔」,由五線奀星變新劇《味想天開》男二。網上圖片

相簿有大台 5小生

12年劉公子案成為一時佳話,有傳 35名藝人、 model及警察,幫劉公子影過祼照,當中有袁偉豪、羅仲謙及沈震軒等,而以上幾位當事人當年都否認有影過祼照。

劉公子因非禮及恐嚇罪名成立,被判 17個月,但坐了 4個月就放監,當時劉公子瘦咗 45磅。審訊時劉公子意氣風發,仲大談多位男星身材。

採訪、撰文:娛樂組

鍾意就快D Share啦!