掃呢頁CODE去手機

2015年10月14日 星期三

UStar港大理大搶票入 10強 [FACE - 438 - 大專校園] UStar,MF,



U Star

UStar港大理大搶票入 10強

上週三( 7日)、四( 8日), UStar20強齊齊踩入理大、港大拉票同玩人氣爆燈嘅直播 app 17,每位 UStar都出盡全力表演才藝,為進 10強作最後衝刺!上次海選有蝦頭、陳瀅等 7位星級考官測試一眾 UStar,今次校園拉票就請到 YouTuber紅人薑檸樂、學舌鳥華 Dee同阿修齊齊玩。其中薑檸樂化身男神,無論男女 UStar即刻爭住排隊「被考核」。薑檸樂仲客串埋 FACE Pop嘅 17嘅主持,同大家直擊現場實況!

邊 10位 UStar可以晉級,留意 20日《 FACE》及 UStar官網公布。

混血兒(9)浸大黃雪瑩 Megan超上鏡,再在 17 live騷歌喉唱冧歌王力宏嘅〈你不知道的事〉,真係引死唔少宅男粉絲。

難得薑檸樂嚟到,爆烈女(3)城大崔嘉怡 Audrey(左)同玩嘢王(7)CUSCS蘇順敏 Wendy(右)即刻變臉,把握機會做小鳥依人。

面試時俾 Miss Hunny評冇才藝嘅(20)港大保良局黃兆偉 Oscar,回家即刻苦練 Ukulele兩星期,入校園拉票時竟然可以自彈自唱〈 I'm Yours〉。

玩健身嘅(15)港大保良局李展樑 Jason,每次表演才藝時除衫騷肌,今次佢就唱住吳業坤嘅〈陽光點的歌〉數腹肌,算有啲新意!

雖然薑檸樂(中)係走「才華」路線,但拍住不停擺 po嘅(12)港大保良局許君豪 Thompson(左)同(16)科大李承洛 Rio(右),都要被迫 chok埋一份。

(17)公大梁啟倫 Vincent由海選到同嘉賓拍片,甚至入校園拉票,每次都會帶唔同色嘅氣球表演,今次仲玩埋火添,係有心思嘅。

一個讀中大,一個讀港大,(19)中大黃凱逸 Zelos同(4)港大林芯寧 Scarlett為手機品牌華為派禮品時,與外國學生溝通當然難佢哋唔到。

見到(14)知專劉頌鵬 Enson(左)及(18)才晉溫詠傑 Alvin(右)兩位靚仔 UStar派 Za Killer Volume Curl Mascara,就算唔化妝都即刻拎 2支試試

53萬人睇 UStar 20強片

今屆 UStar個個又靚又有才華,所以由面試到 20強相關短片,喺 FACE Pop、蘋果動新聞及 YouTube點擊超過 53萬次,而 UStar YouTube頻道累積仲有 275萬人觀看, UStar堅係多人關注!

學舌鳥華 Dee扮港大副校考 UStar

而學舌鳥華 Dee、阿修嚟到港大呢片是非之地,亦不忘發揮一貫抽水本色,分別變身候「啜」副校長同港大生,與 UStar齊齊抵死抽水之餘,又考埋急才。想知佢哋喺理大港大玩啲乜,記得留意 FACE Pop app及 UStar官網睇足本爆笑片

左:華 dee飾演候啜副校長

右:游學修飾演港大生

港大選副校搞到滿城風雨,學舌鳥華 Dee即抽水將自己變成候「啜」副校,同飾演學生嘅修狂搞笑。

搵得學舌鳥嘅華 dee(左二)同阿修(右二)嚟玩嘢考驗 UStar,估唔到要即場扮盧寵茂跌倒,(10)城大易佩詩 Cecilia(右一)同(13)理大孔德賢 Danny(左一)又做得幾生鬼喎!

學舌鳥要 UStar即場騷演技,(6)城大吳巧怡 Hilda(左)要求扮港大生、(11)港大陳佳駿 Morgan(中)扮醫生(佢真係醫科生)、(5)珠海林映蔚 Bie(右)扮高貴,雖然都係得啖笑,不過個個咁投入,梗係過關

有跳舞底子嘅(2)知專蔡寶欣 Pony為咗拉票不停練舞,投票當日仲做埋一字馬,好吸睛喎!

(19)中大黃凱逸 Zelos平時有拍片唱歌,拉票當日自彈自唱,男男女女都冧爆,難怪投票數字成日高踞頭三位

(4)港大林芯寧 Scarlett喺 17live即席表演畫公仔, Scarlett個樣咁 sweet,相信啲觀眾都唔關心佢畫啲咩

鍾意就快D Share啦!