掃呢頁CODE去手機

2015年10月23日 星期五

《愛‧回家》齊做兄弟 光棍節擺酒





其他影片:>>






走完又走…走下一個,走下又一個,大台近年好多做咗好耐嘅藝人先後離巢向闖,好似《愛‧回家》飾演阿登嘅羅天池,上個禮拜亦離開咗工作14年嘅無綫,最近忙住籌備婚禮(新聞連結:http://bit.ly/1jA5T5l)。

羅天池今日接受《蘋果》電話訪問,透露同圈外女友多多喺兩年前結婚,目前準備喺11月11號於尖沙咀千禧新世界酒店補擺喜酒。天池解釋﹕「之前拍處境劇較忙,最近先有時間搞結婚啲嘢,聽聞四條1係光棍節,易記嘛,咪當脫離光棍囉。」《愛‧回家》一眾成員,當然都會到賀其中姜皓文、徐榮、張達倫(嚴謹)、揚明同杜飛龍都會做兄弟,李霖恩同黎諾懿都會嚟飲。

羅天池仲揀咗馬來西亞檳城影婚紗相,趁機畀咗一個驚喜畀太太,佢話﹕「我唔係一個浪漫嘅人,好踏實,冇求婚就結咗婚,成日畀老婆詐型。所以趁今次影婚紗相,預先同朋友夾定book咗一個場地,但又要扮嘢話係人地嘅結婚場地,同佢講『快啲啦,唔好阻住人』,趁佢冇預備情況下,跪地送花,預演一場婚禮,乜都補番晒。」

問到佢有冇計劃生BB?天池稱﹕「都有,但要等啲嘢定晒先,啱啱先離開TVB,28號又要返山東拍劇。所以呢幾日忙住搞婚禮啲嘢,又畀人(老婆)詐型都無辦法。」

阿登,恭喜晒! 羅天池兩年前,同圈外女友多多結婚。
好幸福呀! 來吧!kiss…kiss…
鍾意就快D Share啦!