2015年10月10日 星期六

已離巢數月 關菊英揀工開自由啲 關菊英,



關菊英表示已經離開無綫數月,現在自由身。

next 1/1 pre

關菊英出席慈善活動。

next 1/1 pre

關菊英表示無綫好多老朋友都走晒,搞到佢好似新人咁。

next 1/1 pre

關菊英會揀工作做,唔會乜都接。

next 1/1 pre

關菊英透露李香琴健康良好。

next 1/1 pre

關菊英希望剛離巢的陳國邦將來會更好

next 1/1 pre

關菊英將來都會同無綫合作。

next 1/1 pre

藝人關菊英到荃灣楊屋道街市,出席「仁濟慈善雙週2015」活動,提到早前為《星光熠熠耀保良》排舞期間不慎弄傷,導致肋骨骨裂,她說:「好好多啦,雖然扯到都會痛,但唔大動作就OK,工作都照做,一個月左右就埋口,都差唔多一個月啦。(有冇同李香琴提起傷勢?)冇呀,前幾日我去佢屋企探佢,都唔記得咗講添,佢精神好好,我哋唱《萬水千山總是情》,佢好夠中氣,好大聲,係行去洗手間要人扶咁啦。」

好賞識陳國邦

她又提到曾合作無綫劇《名門暗戰》的陳國邦,她說:「我都係啱啱知佢話要離開TVB,但我想話佢知,我好賞識佢,佢非常專業,好有理想,係好正氣嘅藝人,佢說話唔多,但佢喺《名》做我細佬,即使嗰場戲佢冇對白,佢都好專注個戲,佢搭住我膊頭,都畀到戲我,令我覺得佢就係我細佬,我喺佢身上都學到好多,佢走,我覺得可惜,但希望佢將來會更好。」

老朋友走晒似新人

她又提到自己約滿無綫後的打算:「我係今年6、7月左右約滿,我想自由身啲。(工作辛苦?)都唔係,我約莫都係一年一個劇,我推咗好多,會揀工作,唔簽主要想自由啲,另外台前幕後有好多老朋友都走咗,變咗我係新人咁,要去適應,有啲唔慣,但將來TVB有啱嘅搵我,都可以合作。(無綫有挽留你?)樂易玲有搵我食晏,但我都唔係唔開心走,我係想自由,咁大家都OK。(有冇加碼留你?)我係唔簽,唔係想討價還價,所以都冇傾到呢步。」

「東網巨星」fb專頁:

以抵死角度,分析各大娛樂新聞,加埋識睇一定要睇嘅網民妙論,包保享盡「Fun」秒,快啲入嚟畀Like啦。

http://www.facebook.com/onccstars

鍾意就快D Share啦!