「圍蘋之亂」曠日持久，壹傳媒發行總監張鼎業每晚在大樓鎮守至天亮。因為一場衝突，鼎業竟與示威者當中一名頭目化敵為友，獲通報撤退時間，運報車才能趕及天亮前出發，把《蘋果》運抵全港各區。
圍堵行動進入第二晚，壹傳媒大樓出入口全遭堵塞。張鼎業唯有利用行政部提供的吊雞車，指揮手足在公司隱蔽處靜靜把報紙吊出環保大道，自發聲援的員工則在另一邊與示威者對峙，「拖得幾耐得幾耐」，「吊吊吓，已經有大媽同啲車喺後面兜來兜去」。
其時往銅鑼灣的運報車隊已出發，往旺角最後一架車準備開走，示威者趕至，一名大叔發難，躺在路中心。發行部數名大漢嘗試拉走大叔，與廿多名示威者爆衝突，鼎業衝前保護同僚，「後尾示威者加到百幾人，已經冇得郁」。帶領示威者的大叔質問鼎業：「喂你咩事走報紙呀？」鼎業答：「我嘅責任就係出報紙！」
頭目與鼎業在路邊理論，頭目反問他「係咪呢度啲蛇頭」，他不知如何回應，「我係部門阿頭囉，算唔算蛇頭？」頭目始終沒承認收錢，「總之我哋都係唔滿意你哋報紙，唔會畀你走！」
鼎業反駁：「你唔鍾意我哋報紙，咪唔好買囉，圍我做咩啫？你唔可能妨礙新聞自由，聲音啱定錯，各方自有評論」。頭目有感而發：「兩父子都有唔同立場啦，阿爸係藍絲帶，阿仔係黃絲帶，都會嘈交」。鼎業打蛇隨棍上，「如果你哋真係散，畀個時間我。」頭目最初稱五時多撤退，鼎業力勸對方早些「收工」，同時安排把剩餘報紙先搬上車。凌晨四時十五分，頭目真的致電他，「三個字之內，我哋呢班人就走晒，跟住唔知有冇下一班返嚟，你把握呢個時間」。示威者準時散去，早已準備就緒的運報車立即出發。鼎業憶述，那是圍堵行動最多示威者的一晚，幸得頭目「通水」，「亦都係最有驚無險」。
當天《蘋果》依然較原定遲了六小時發行，個別地區只有港聞A疊，雖有讀者聲言不介意，但報販共退回了四萬多份報紙。往後數天示威者換了另一批，鼎業絞盡腦汁，「做發行梗係諗點樣最快送去報販，報紙要齊晒成份。試過擺架吉車，扮出車，呃啲人過去嗰邊，呢頭即刻泵幾架車走。」隨著警方介入，加上編採部提早截稿，終能順利發行，「雖然有暗角七警，但警察都肯幫我哋出報紙，我覺得幾正面。」
經此一役，鼎業更覺新聞自由可貴，「呢把聲音點都要出咗去先。做報紙，都係求聲音」。他強調只要《蘋果》印刷版繼續存在，把報紙送到讀者手上就是其使命，「我可能老派，有實物揸手先有認受性。嗰排連個網都畀人癱瘓」
江俊豪攝 
張鼎業唯有利用行政部提供的吊雞車，指揮手足在公司隱蔽處靜靜把報紙吊出環保大道。 