| 任賢齊（上圖左起）、蘇永康、梁漢文和黃家強組成的「男人幫」擔任評判及嘉賓。 | next 1/1 pre |
 | |
| 任賢齊話鍾意班佳麗除咗選靚女外，仲要係親善大使。 | next 1/1 pre |
 | |
| 黃家強話佳麗啲談吐都有時幾扣分，唔係佢哋緊張，係聽到佢直頭唔想聽，講太多。 | next 1/1 pre |
 | |
| 蘇永康話佢老婆個身材唔差過班佳麗。 | next 1/1 pre |
 | |
| 佢哋四個一企埋一齊就講唔停。 | next 1/1 pre |
 | |
| 仲有講有笑添！ | next 1/1 pre |
由任賢齊（小齊）、蘇永康、梁漢文（Edmond）和黃家強組成的「男人幫」於珠海橫琴長隆國際海洋度假區出席《2015中華小姐環球大賽》，擔任評判及嘉賓的四子表示，以美貌、身材、智慧、愛心為準則，小齊稱：「除咗選靚女外，仲要係親善大使，做好多唔同公益活動，要周圍同人交流，所以標準會多啲。」家強則笑言談吐也緊要：「尋日綵排見到佢哋啲談吐都有時幾扣分，唔係佢哋緊張，係聽到我直頭唔想聽，耐得滯，講太多啦。」
說到外形方面，Edmond大爆：「聽聞蘇永康鍾意堅挺啲嘅pat pat，嗰次做訪問你話好專注呢方面。」蘇永康即反駁：「你錯晒我經常性改變架呢樣嘢，依家改高度，有小齊咁高得㗎喇。（驚老婆鬧所以唔敢認睇pat pat？）我老婆個身材你估差得過佢哋咩？」二人又謂笑容、親切感都好緊張。
爆上《康熙》有異樣
提到蔡康永與徐熙娣（小S）向台灣長壽節目《康熙來了》請辭，蘇永康自爆發現有異樣：「嗰日已經古古怪怪，平時佢哋好好笑，但嗰日有啲沉重，已經覺得氣氛有少少怪，當我哋離開台北時，網上就發出咗個請辭。」語畢小齊打趣道：「唔係我哋累架嘛？因為永康去咗，康永唔想做！」
讚小S夠義氣
蘇永康笑住回答：「依家係咪男人幫我一個人啃？咁我啃囉，我有咁大影響力就好啦。不過，我覺得康永講得好啱，一個節目做咗12年，又唔可以長期經營落去，都要有個新嘅方向發展，希望康永有更好嘅發展啦，小S都好夠義氣共同進退，不如留多啲時間喺屋企陪吓小朋友就更加好啦。」Edmond指該節目對「康熙」、製作單位及觀眾都留下好美滿回憶，四子又祝福他們。
會否考慮開新清談節目？家強笑謂：「乾隆來了？主持十集可以架！」曾主持《Big4大四喜》的蘇永康，坦言主持清談節目很累，主持人必需有「康熙」的急才。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|
