2015年10月9日 星期五

醉爆阿Bob硬咀梁烈唯:小春係我偶像 阿B,陳小春,小春,林盛斌,Bob,梁烈唯,鍾鎮濤,



next 1/1 pre

在錢國偉婚宴上,一度發生混亂事件,有指陳小春上台獻唱時,有人爆粗,陳小春一度嬲到掟咪,而有指事件涉及Bob。

凌晨一時許,阿BOB離開錢國偉婚宴時,明顯醉得不醒人事,不但將眼鏡戴在額頭,更全程由梁烈唯扶住落樓梯。阿Bob離開時,錢國偉剛好做完訪問。錢國偉見到Bob,即和他攬埋,更咬耳仔。期間聽到錢國偉同Bob講:「冇事!兄弟嚟!」而阿bob受訪期間,一度有男工作人員阻止記者做訪問,該名工作人員更與梁烈唯齊齊挾住Bob走。而記者追訪期間,Bob一度停低,並大叫:「梁烈唯係我好兄弟!」之後即在傳媒面對嘴對嘴,擾攘近成分鐘,二人才搭的士走人,現場一片混亂。

Bob離開時訪問情況如下,真係好混亂,大家GET到幾多就幾多:「(好醉呀?有唔愉快事件?)冇事。(係咪有人爆粗?)冇事,阿春係我偶像。(但你搞到佢掟咪?)冇事。(你有冇畀人鬧?)冇啦,我點會畀人鬧。(有冇鬧人?)我唔會,咩事都冇?(冇事?係咪有人爆粗?)梗係冇(冇掟咪?)冇。(有冇隔開你哋?)冇事,其實我都唔係飲好多咋嘛。(話畀人問候?)我畀人問候?梗係冇(你有冇問候人?有傳聞話你講粗口)唔係,真係冇,今日我係好開心。(你需唔需要同小春道歉?)冇,兄弟嚟架,冇事。(你有冇道歉?)冇,冇事。」 

鍾意就快D Share啦!
Related Posts Plugin for WordPress, Blogger...