同你吟一吟
區海倫活得很好
香港娛樂圈，無論歌影視，最掂係 80同 90年代，百花齊放盛世期，出咗唔少人，包括 17歲李蕙敏同 19歲區海倫組成嘅女子組合 Echo。
92年，傳兩人不和拆夥，單飛發展李蕙敏之後因為有《活得比你好》、《你沒有好結果》、《我為我生存》、《贈興》呢類怨婦歌而紅咗幾年；但 01年同環球解約後，事業就有跌冇升。至於舊拍檔區海倫，拆檔後入咗無綫做《城市追擊》，一做多年，直至 97年同拍拖兩年、老豆係香港三大紡織廠創辦人之一嘅男友陳仲尼結婚，自此做少奶。
生咗兩個仔，大仔 15歲，細仔 12歲，兩個都讀拔萃，婚後區海倫專心相夫教子，相比試過欠百萬街數，俾財仔搵上門嘅李蕙敏，一個風高浪急，一個安分。
邊個活得更好？都係嗰句：性格影響命運！
撰文：八珍
|
鍾意就快D Share啦！
|
|
|