晚上九時半，劉華在保鏢護駕下，拖着老婆朱麗倩到喪禮鞠躬，以示對劉思仁一份尊敬。
探熱針
前老爺設靈 羅霖花牌都冇個
羅霖前老爺劉坤銘父親劉思仁，上月二十五日逝世，享年八十六歲，本週一（十一月二日）在香港殯儀館設靈，翌日出殯。羅霖讓三個仔子榕、子熙和子晉送爺爺最後一程，但自己缺席喪禮之餘，連花圈都冇個，反而劉華就好有心，拖住老婆朱麗倩去鞠躬。
婆媳關係惡劣
早已收到風，知道前老爺過身，但羅霖缺席喪禮，連「普通朋友」都會送的花圈也欠奉，可想而知，她與前夫家的關係有幾惡劣。
「 Candy（羅霖）前老爺走嗰陣，佢喺泰國拍緊戲，知道個消息都有唔開心，不過佢話劉家嗰邊只係叫三個仔去，冇叫佢去喎！講到底， Candy應該係擔心如果去鞠躬，有可能俾奶奶拒於門外。不過唔去連花圈都唔送，就真係惹人閒話！」知情者說。
老人家思想
據知，亞姐出身的羅霖，即使同劉坤銘生咗三個仔，卻一直得不到老爺和奶奶劉蔡雪芳歡心，兩老經常向兒子投訴羅霖衣著暴露，影響家族聲譽。入門以來，劉老太更不時在大庭廣眾發脾氣鬧新抱，多年來羅霖受盡委屈。
「老人家思想守舊，想個新抱係門當戶對嘅，又會覺得做娛樂圈嘅女仔，不三不四貪慕虛榮。劉老太一直睇唔起羅霖，但當時為咗保住劉坤銘個面子，羅霖扮到好幸福咁。」
這邊廂的羅霖指前夫拒絕她出席喪禮：「因為我冇被邀請，所以唔可以出席。但我覺得親人或長輩，最緊要平時對佢哋好。（冇送花牌）我有送。」那邊廂的劉坤銘直言不知道羅霖沒出席的原因，但指她有送花牌，劉坤銘說：「有心，個個都有心。」但劉家的治喪委員會工作人員卻稱，冇見羅霖的花牌。
十指緊扣到場
週一（二日）設靈當日，到靈堂鞠躬的有陳寶珠、何超鳳、何超蕸、俞琤、祥嫂洪金梅（祥嫂）、林保怡、林建康等。晚上九時半，劉德華拖住老婆朱麗倩，由保鑣護送到場。見有記者在場，兩公婆沒有左閃右避，表現大方。
「劉華識咗 uncle十幾廿年喇，佢哋久不久就約食飯見面，近呢兩年 uncle柏金遜病，劉華都有探佢，不過 uncle都唔認得佢喇。」知情者說。
劉坤銘父親劉思仁，是葡京賭場前帝皇廳廳主，在澳門人脈甚廣。
「劉生同何生（賭王何鴻燊）嗰輩嘅，亦係發展賭團生意嘅先驅，李志強（澳門馬會董事總經理）、李惠文（澳門黃金集團行政總裁）當年都係得劉生俾機會。」一名澳門賭業人士透露。
高下立見
羅霖與劉坤銘離婚反晒面，加上多年來被前夫家歧視，婆媳關係惡劣；前老爺出殯，羅霖人唔到花圈亦唔送。相比當年豪門新抱朱玲玲、謝玲玲，即使已離婚，但前老爺舉殯，人到花到，處理得體。
朱玲玲
06年 10月，全國政協副主席霍英東在北京逝世，在報章刊登的訃聞雖然冇前媳婦朱玲玲的名字，但她分別以個人名義、公司名義及父母名義致送花圈，十分周到！入門二十六年，朱玲玲與前夫及霍家關係良好，更獲安排與霍氏家人同坐家屬區。
完全反面
91年得亞姐冠軍入行的羅霖， 96年與富商劉坤銘於新加坡註冊結婚，婚後淡出娛樂圈並誕下三子， 12年開始傳出婚變，同年羅霖自爆已分居七個月，並全面復出。
12年 10月
自爆與前夫性格不合，已經分居七個月，劉坤銘埋怨對方在公布消息前未有與他商量。
13年 3月
羅霖暗寸自己雖然嫁入豪門，卻從未攞過夫家一毫子，並表示婚姻破裂與劉家不喜歡娛樂圈女仔有關。
13年 3月
劉坤銘強調自己有給前妻生活費，三名兒子雖然跟媽咪住，但他認為兒子喜歡跟爸爸多啲。
13年 8月
羅霖在生日派對上爆前夫試圖阻止細仔出席派對，最後要出動律師才解決。
14年 7月
羅霖指有人刻意誤導三個兒子，更自爆遭受家暴，才是離婚的真相。
15年 10月
細仔劉子晉為慈善活動行 catwalk，前夫劉坤銘現身打氣，卻因羅霖一早吩咐子晉不要和父親接觸，結果連父子合照都唔肯。
撰文、攝影、攝錄：娛樂組
|
鍾意就快D Share啦！
|
|
|