| 元朗粉麵店擺大食擂台，廣招大胃王挑機。 | next 1/1 pre |
 | |
| 許老闆笑稱自己是典型「潮州佬」，性格固執，若來者成功挑戰，絕不「走數」。 | next 1/1 pre |
 | |
| 挑戰大食王每碗(右)較普通粉麵(左)分量稍為大。 | next 1/1 pre |
 | |
| 單單看到10隻大碗疊起，已覺場面壯觀。 | next 1/1 pre |
 | |
| 同場加映汽水競飲擂台，飲盡30支便能獲得獎金，可以選擇常溫或冷凍汽水。 | next 1/1 pre |
 | |
| 食店位於元朗，印有競食比賽的直幅一直懸掛招牌側邊。 | next 1/1 pre |
「夠膽你就嚟！」最近網民討論一間元朗粉麵店的競食比賽推出多年，好奇曾否有人成功贏得獎金，食肆許老闆豪言歡迎各路英雄前來挑戰。競食文化歷史悠久，世界各地均有舉辦以當地美食為主角的大胃王比賽，以盛事凝聚民眾之餘，亦有助推廣旅遊產業。尋覓香港的競食擂台，今次主角是一碗地道粉麵。
「潮州佬設擂台，挑戰大食王」，店外兩米直幅印有競食比賽口號，多年來風雨不改，靜待挑戰者上門「打擂台」。「規則好簡單，10碗粉排晒喺張枱度，一個鐘時間，食得晒就可以拎錢走。」若挑戰失敗必須付上10碗粉的價錢，吃下10碗可獲獎金2,000元，30碗更有50,000元，網民笑謂「食麵贏首期」或許並非戲言。
不過，大胃王絕不易做，縱然麵底種類任君選擇，要一小時內鯨吞10碗，加上超過一公斤肉類或肉丸食下肚，絕非常人所能做到。許老闆笑言，挑戰者不需考慮會否飲用剩下的湯底，「通常食完頭幾碗，後面嗰啲，啲湯已經被粉索晒。」同場亦有汽水競飲，有中學生將30支汽水倒在大碗內飲用，成功贏得獎金。
挑戰者大多成群結隊而來，互相為對方吶喊打氣，當中不少人離勝利只是一「碗」之遙，「有兩個肥仔試過食到九碗，已經好犀利，可惜行到門口就嘔返晒出黎。」一班中文大學女生曾一起挑戰，「有一個女仔食到五碗，已經係女中豪傑！」那麼許老闆自己戰果又如何？「我自己梗係有試過，都食到八、九碗！」許老闆儲起許多和參賽者的合照，留作私人珍藏，慕名而來的客人，無論輸贏亦帶走一份感情。
食店有30多年歷史，開業初期，眼見潮州伙記食10碗飯仍面不改容，令許老闆萌生舉辦大食王擂台念頭。由於鮮有人成功從許老闆手上贏得獎金，日積月累，擂台基金已達數十萬，「我每日都會儲1,000蚊落基金，如果一日有三個人食到30碗，咁就即刻無咗15萬。不過我未驚過，你哋想嚟挑戰就嚟」
2006年成立的競食團隊「饗民」，隊長Taylor提醒，港人對於競食比賽賽例認識不深，現存比賽大多為食肆推廣活動，未必詳細考慮參賽者安全，「我試過參加拉麵競食比賽，主辦單位竟然捧一碗熱到辣嘴嘅麵出嚟，叫參加者點食？」若有心挑戰競食活動，他提議先到比賽場地視察環境，將食物仔細分類，做好準備，「粉麵要諗下飲湯先定食麵先，要搵一個適合自己嘅模式同節奏，切記競食期間不應浪費，要量力而為。」
|
鍾意就快D Share啦！
|
|
|