【韓流】全智賢大鐘獎大熱爭影后
2015-11-15 16:00:00
本周五(20號)舉行嘅第52屆韓國電影大鐘獎，噚日大會終於公佈各項提名名單，當中現時懷孕7個月嘅全智賢繼入圍青龍獎爭影后後，佢再憑《復國者聯盟》入圍大鐘獎最佳女主角，並同金惠秀、韓孝珠、嚴正花、金允珍等人力爭「影后」，當中全智賢被視為大熱人選。
至於影帝方面，《燥底師兄生擒富二代》兩位男主角劉亞仁同黃正民齊齊入選，到時佢哋就會同孫賢周同河正宇力爭最佳男主角一獎。
至於網上投票嘅男女人氣獎，現時仍然由金秀賢同孔孝真領先，男女新人獎投票部份就由《江南黑夜》嘅李敏鎬、雪炫一馬當先，男女配角嘅投票最高為EXO嘅D.O.同張允珠，《思悼》喺最佳影片投票中就人氣最旺。
左起：劉亞仁、孫賢周、河正宇同黃正民入圍爭影帝
|
鍾意就快D Share啦！
|
|
|
