好姊妹銅記出招 Coffee釣半億金龜
現年27歲的李悅彤（Liddy）和26歲的林芊妤（Coffee）份屬「Sing之天使」好姊妹。去年5月Liddy被影到與有婦之夫彭順在圓方攬啜，6月就輪到Coffee被影到與達利國際集團接班人林知譽「殘廁Gathering」，同樣轟動全城。前晚兩人又再出動「𠝹仔」，在銅鑼灣分別約會從商富貴男，Coffee的半億新歡Jeff疑搞四角關係，而與Liddy密會的Ivan則被爆有妻室，關係七國咁亂！
現年26歲、擁D Cup上圍的Coffee自殘廁gathering事件上位後，桃花旺盛，去年被爆搭上江湖猛人上海仔郭永鴻，並獲男方替她賀壽，上月又兩度被本報拍得同中國小姐趙哲妤（Uny）的「筍盤密友」、半億身家中佬Jeff孖咇逛街。
【孖住睇戲】
■Coffee前晚偕身家半億的Jeff逛銅鑼灣，兩人更拍拖睇戲。
【上月】
■Coffee和Jeff上月初被拍到行街，對方更細心為她撐傘。
資料圖片
【有講有笑】
■Coffee和中佬Jeff邊行邊傾偈，十分合拍。
拍拖睇《我的少女時代》
上月初Coffee被拍到與Jeff雨中撐傘，當時她聲稱對方是瑜伽學生，上課後一齊搭小巴離開。前晚大約6時許，Coffee跟Jeff又結伴遊銅鑼灣，出現在時代廣場食通天，兩人雖並肩而行，但避嫌都保持安全距離。其間Coffee不斷飲水，乘搭電梯時，他們雞啄唔斷，之後則往坐港鐵。記者前晚致電Coffee，她否認拍拖：「今日唔係shopping，做完嘢同朋友睇《我的少女時代》，佢係普通朋友嚟。佢都冇追我，你哋唔好講到我咁吸引先得㗎，唔係係男仔見我都追我㗎，我都想呀，你哋介紹嚟識吓先。」問怎可分辨她真正拍拖？Coffee即說：「如果下次喺街度見我同個男仔拖埋一齊，咪冇得否認啦。」Jeff疑似一腳踏三船，Coffee昨回應說：「對方真係我朋友，佢亦有跟我學瑜伽，我都知佢之前啲新聞，我同阿妤（趙哲妤）都識嘅，佢當阿妤係妹妹箒！」
■Coffee不停喝水，身邊的Jeff耐心等候。DV圖片
趙哲妤：我唔得閒陪佢
Coffee否認年約40多歲的Jeff是新歡，其實Jeff艷福不淺，去年與Uny車廂激吻斷正，今年農曆新年又蜜遊泰國布吉，兩人還在煙花下貼頭玩自拍，Jeff同時又約會亞視前小花鄭伊娜，加埋Coffee，四角關係複雜。Uny昨在電話訪問中酸葡萄：「我唔知佢哋見得咁密。個男仔（Jeff）成日搵我，係我唔得閒陪佢箒。」若Jeff與Coffee拍拖會恭喜嗎？Uny寸嘴話：「我恭喜佢搵到個身材好嘅女仔。」
同樣是Jeff緋聞女友的鄭伊娜對於男方約會Coffee，她昨也透過WhatsApp回應：「吓？又換咗畫啦？之前我仲祝福佢哋㖭！佢都唔係我ex，佢話想結婚生B，但我都冇應承過佢，所以唔好誤會，我同佢從來都冇嘢㗎！我好揀擇，揀男友從不隨便，寧缺毋濫！」
採訪、攝影：楊浩賢、羅德光、小米、陳杰、非非
|
鍾意就快D Share啦！
|
|
|