洗米華(周焯華)嘅正印陳慧玲（Heidi），因為第三者Mandy Lieu嘅關係，堅決離婚。之前有指洗米華有14億身家，所以Heidi有機會分到佢一半身家，不過有澳門賭業中人講，話洗米華身家被外界低估咗，一定唔止14億，話最保守都有100億身家。所以，Heidi一旦同老公離婚，估計最少都可以分番2、30億身家，到時有樣有錢，應該大把嘢可以做。聽Heidi啲密友講：「之前為咗老公不忠，佢係好傷心，但經歷咗咁多事後，已經係哀莫大於心死，已經想通咗！有咗決定後，個心反而變得平靜。」自從洗米嫂決定要同老公離婚後，無論家人或朋友，支持同反對者都有，好似一直支持佢嘅向華強太太陳嵐，就勸過佢唔應該放棄、將正印位置拱手相讓俾第三者；但Heidi今次唔想再受任何人左右，只想做一啲令自己覺得舒服嘅決定，明知道緣盡了，勉強冇幸福，所以先至下定決心要離婚。估唔到嘅係，依家反而係男方拖拖拉拉，一直唔願意離婚，希望可以繼續享齊人之福。
| 洗米嫂到時有樣有錢，應該大把嘢可以做。(資料圖片) |  洗米嫂身邊都有人叫佢唔好離婚，但佢心意已決。(資料圖片) |  (資料圖片) |
來源 source: http://hk.apple.nextmedia.com
|
鍾意就快D Share啦！
|
|
|
