網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年12月29日 星期二

【祝李杏福婚宴】難得拖手亮相 嘉穎陳凱琳拍拖赴宴 __,凱琳,鄭嘉穎,嘉穎,陳凱琳,

胡杏兒同老公Philip今晚喺麗思卡爾頓酒店(TheRitz-Carlton)筵開56席,由於兩人圈中人緣甚廣,故唔少藝人明星都出席婚宴,包括鄭嘉穎拖住女友陳凱琳到場,陳凱琳仲谷晒胸﹑兩人仲拖晒手,而羅仲謙則與楊怡拍拖到場,仲有蕭定一及太太﹑陳倩揚﹑廖碧兒﹑蘇永康與太太﹑黎芷珊﹑伍詠薇及老公練海棠﹑苟芸慧﹑謝天華夫婦﹑梁烈唯﹑馬國明﹑黃日華夫婦及女兒黃芷晴﹑單立文﹑陳山聰﹑宣萱﹑莊思明及莊思敏等等 ...


胡杏兒同老公Philip今晚喺麗思卡爾頓酒店(The Ritz-Carlton)筵開56席,由於兩人圈中人緣甚廣,故唔少藝人明星都出席婚宴,包括鄭嘉穎拖住女友陳凱琳到場,陳凱琳仲谷晒胸﹑兩人仲拖晒手,而羅仲謙則與楊怡拍拖到場,仲有蕭定一及太太﹑陳倩揚﹑廖碧兒﹑蘇永康與太太﹑黎芷珊﹑伍詠薇及老公練海棠﹑苟芸慧﹑謝天華夫婦﹑梁烈唯﹑馬國明﹑黃日華夫婦及女兒黃芷晴﹑單立文﹑陳山聰﹑宣萱﹑莊思明及莊思敏等等出席婚宴。鄭嘉穎拖女友出席,陳凱琳身穿谷胸晚裝晒事業線,問到係咪參考人家婚禮?嘉穎表示:「我哋嚟助慶啫,同杏兒合作三套電視劇,係好好parter,今日係佢結婚日子。」幾時計劃你哋人生大計?陳凱琳笑言:「我哋好尊重大家,所以我哋不如入去食完飯再話畀大家聽。」問嘉穎係咪第一次拖女友去婚宴?佢話:「其實我唔係去好多飲宴,係呀,係第一次。(送乜禮物畀杏兒?)之前問過佢想要乜嘢禮物,佢話想要實際啲,所以我就實際啲,等佢鍾意買乜就買乜。」問陳凱琳係咪有顆恨嫁的心?佢話:「期待今晚睇杏兒婚宴,同埋佢條裙,睇下酒席係點,知道佢準備好耐,今晚發生的事係會好開心。」楊怡同男友羅仲謙齊齊受訪問,問佢兩個係咪嚟偷師? 楊怡就話:「我哋今日係嚟祝賀一對新人。」問係咪真係好似報道所講下年3月結婚?羅仲謙遊花園話:「要發生就自然就會發生,不過總之如果結婚,唔會好似雜誌所講咁神秘,會通知大家。」今晚搶花球?楊怡話:「對鞋太高,搶唔到,可能派佢去搶,又可能有好多姊妹都需要。」

另外,陳倩揚被問到送乜嘢畀新人?佢話:「最實際係人情啦﹗今早去咗見證婚禮,都攬咗對方祝福對方。」會見返好多TVB朋友?倩揚表示:「我都仲係TVB員工,仲有一段時間,幾耐就唔方便講,不過就唔太長。(唔續約?)睇下有冇其他機會啦。(公司有冇安排工作畀你?)未有進一步安排,我自己喺嗰件事之後未返過公司,啱啱先放完假返嚟,如果其他節目有安排,當然開心,如果冇的話,會沉澱自己去讀書,已報幾個master,但撞正囝囝考小一,時間比較緊張,現時有營運自己品牌,同埋annual dinner及春茗工作安排,啲事情年尾發生晒都係好事,同老公去台灣旅行,自己好正面,多謝大家祝福。」

蕭正楠,曹永廉 謝天華同太太 陳倩揚
好多咪牌 拖手到場喎! 宣萱
突然咁高調,係咪好事近? 謙謙同楊怡
廖碧兒 拖實!

鍾意就快D Share啦!