掃呢頁CODE去手機

2015年12月2日 星期三

【有相】熊黛林騷男友甜蜜合照 反擊郭富城新戀情 __,郭富城,熊黛林,

郭富城噚晚半夜放閃,高調晒十指緊扣相,公告戀情,戀上來自上海嘅「新城嫂」方媛(Moka),同對方拍拖一年半,即破天荒認戀情,反而城城同前度熊黛林嗰陣,拍拖七年一直未有公開認愛,只係間唔中「漏口風」講下愛情,真是天淵之別!據傳Moka畀城城啲朋友印象好,今年城城生日,朋友仲催佢哋快啲結婚,難怪城城早前公開話唔排除閃婚,原來早有對象!本報今日問過舊愛阿Lynn,佢就話:「祝福佢!」不過,Lynn之後喺 ...


郭富城噚晚半夜放閃,高調晒十指緊扣相,公告戀情,戀上來自上海嘅「新城嫂」方媛(Moka),同對方拍拖一年半,即破天荒認戀情,反而城城同前度熊黛林嗰陣,拍拖七年一直未有公開認愛,只係間唔中「漏口風」講下愛情,真是天淵之別!

據傳Moka畀城城啲朋友印象好,今年城城生日,朋友仲催佢哋快啲結婚,難怪城城早前公開話唔排除閃婚,原來早有對象!

本報今日問過舊愛阿Lynn,佢就話:「祝福佢!」不過,Lynn之後喺微博貼出佢同男友郭可頌嘅腳相,留言:「幸福就在身邊,祝福大家!」相中所見,阿Lynn擺明係反擊城城,噚晚城城晒十指緊扣相,阿Lynn晒Fendi「情侶鞋」!

現年35歲熊黛林(Lynn)一直有一顆恨嫁嘅心,盛傳佢同郭富城拍拖時已三番四次逼婚,一心等入郭家門做天王嫂,多年跟出跟入隨時候命,不過城城咁多年都冇心娶佢,最終Lynn於2013年忍痛斬纜,其後Lynn經好友郭可盈胞妹郭可思介紹下,同當時離婚冇耐嘅郭可頌(Ken)極速撻着。

Lynn上年搭著郭可頌,拍拖一年多,Lynn即成功融入郭家,今年8月,郭可頌同Lynn去咗加拿大睇流星雨嗰陣,就向女友跪地求婚,Lynn一口答應。

近日更有指Lynn今年聖誕節將結婚,據知曾失婚嘅郭可頌今次同Lynn拉埋天窗,已經有晒共識,婚事只係邀請雙方至親到場觀禮,結婚之旅為期4日,唔會大排筵席,Lynn亦會由酒店、機票及教堂都一手包辦,親自策劃婚禮(新聞連結:http://bit.ly/1jxLPjb)。不過,Lynn經理人Kim就代為否認,未知係唔想公開婚事,定係未想嫁住!

城城當年同阿Lynn於個唱上,「世紀握手」!(資料圖片) 城城貼拖手相…(微博圖片) 阿Lynn晒腳相…玩「情侶鞋」!(微博圖片)
熊黛林(左)、郭可頌(右)。資料圖片 熊黛林與郭富城為「亞洲遊戲展」拍 MV時邂逅,做了天王情人令她升價10倍。資料圖片
鍾意就快D Share啦!