掃呢頁CODE去手機

2015年12月2日 星期三

老麥都可以擺喜酒 其實邊度結婚先夠新意? [FACE - 445] __,MF,

全知言老麥都可以擺喜酒 其實邊度結婚先夠新意?今時今日,邊個話結婚擺酒一定要去酒樓或酒店?做得夫妻當然係講心唔講金,去麥當當擺番幾圍,拎住杯奶昔周圍敬酒都咪話型!若果搵唔到一個願意陪你捱麥記嘅終生伴侶,可以學胡杏兒同未婚夫PhilLee,山長水遠入沙頭角圍村行禮,夠晒傳統有特色啦!徐濠縈 長跑結婚比較古怪嘅結婚地方,我會諗起跑道上結婚!跑緊馬拉松,一衝線就行禮,咁樣好有意義同好特別!但可惜我已經結 ...


全知言老麥都可以擺喜酒 其實邊度結婚先夠新意?今時今日,邊個話結婚擺酒一定要去酒樓或酒店?做得夫妻當然係講心唔講金,去麥當當擺番幾圍,拎住杯奶昔周圍敬酒都咪話型!若果搵唔到一個願意陪你捱麥記嘅終生伴侶,可以學胡杏兒同未婚夫PhilLee,山長水遠入沙頭角圍村行禮,夠晒傳統有特色徐濠縈 長跑結婚比較古怪嘅結婚地方,我會諗起跑道上結婚!跑緊馬拉松,一衝線就行禮,咁樣好有意義同好特別!但可惜我已經結 ...


全知言

老麥都可以擺喜酒 其實邊度結婚先夠新意?

今時今日,邊個話結婚擺酒一定要去酒樓或酒店?做得夫妻當然係講心唔講金,去麥當當擺番幾圍,拎住杯奶昔周圍敬酒都咪話型!若果搵唔到一個願意陪你捱麥記嘅終生伴侶,可以學胡杏兒同未婚夫 Phil Lee,山長水遠入沙頭角圍村行禮,夠晒傳統有特色

徐濠縈 長跑結婚

比較古怪嘅結婚地方,我會諗起跑道上結婚!跑緊馬拉松,一衝線就行禮,咁樣好有意義同好特別!但可惜我已經結咗婚,惟有留畀啲鍾意跑馬拉松嘅情侶

關楚耀 健身室擺

喺健身房搞結婚啲姊妹玩新郎時,可以叫班兄弟做 30下掌上壓、舉 50磅大餅!衫就唔使着喇,夠晒爆呀!

《蘋果日報》圖片

鄭融 潛水一流

海底潛住水結婚!可以喺海底交換戒指,成個儀式喺海底裡面做,會幾得意!都可以錫錫對方,要拎開個氧氣罩,錫完再戴番!不過我覺得喺嗰刻靚係緊要啲,所以水底結婚都係留俾潛水發燒友

《蘋果日報》圖片

周嘉儀 野戰最正

我諗 war game場係其中一個比較另類嘅結婚場所,因為啲朋友最多都喺花園仔做 outdoor結婚場地,但 war game場會好特別,同埋唔知着婚紗定 war game衫好,打打殺殺應該會幾得意!

《蘋果日報》圖片

徐子珊 等北極光

結婚要講緣份,所以要去有北極光嘅地方,大家都知北極光唔係一定有,要 11月至 3月,喺比較北邊嘅地方先可能見到。要等,唔知有冇㗎,等到有有綠色光閃過,就喺嗰刻講「我願意」,如果未凍親的話!

網上圖片

玩厭麥記 街訪:冒險樂園開心啲

Matt

冒險樂園!因為每個小朋友都去過,會有好多童年回憶,兩個人可以一齊玩下兒時玩過嘅遊戲,會開心啲囉!

Ryan

會去非洲森林行禮。因為森林好有原始感覺,而人本身都係大自然一部分,呢個係比較哲學性嘅婚禮!

周妹妹

特色婚禮梗係去迪士尼因為可以扮公主,又可以食米奇蛋糕!

即時報料 facepop

熱線: 9222 0828

電郵:facenews@nextmedia.com

facebook: Face Magazine inbox

line、 we chat id: facemagazine

鍾意就快D Share啦!