韓君婷（鬼妹）之前喺新加坡意外跌倒導致鼻骨移位，搞到破相。佢回流返港，復出態度積極，除咗四出搵工作機會，更公開表示會接受鼻骨整型手術，希望重拾昔日美貌。早前鬼妹公開表示已經開始進行第一期鼻骨矯型手術，今日佢現身港台為普通話台錄音，鼻型明顯有所改善，第一期手術後，鼻型比早前更自然，回復當年嘅美貌應該旨日可待，鬼妹被問到有關鼻骨手術，佢承認已經完成第一次手術：「之前有去照骨，自己唔係機器，唔係一番來就 ...
韓君婷（鬼妹）之前喺新加坡意外跌倒導致鼻骨移位，搞到破相。佢回流返港，復出態度積極，除咗四出搵工作機會，更公開表示會接受鼻骨整型手術，希望重拾昔日美貌。
早前鬼妹公開表示已經開始進行第一期鼻骨矯型手術，今日佢現身港台為普通話台錄音，鼻型明顯有所改善，第一期手術後，鼻型比早前更自然，回復當年嘅美貌應該旨日可待，鬼妹被問到有關鼻骨手術，佢承認已經完成第一次手術：「之前有去照骨，自己唔係機器，唔係一番來就整得，同埋年尾同聖誕好多醫生放假，唔可以咁急，明年會將會進行第二期手術。」
今日有報導指韓君婷密密賺，心急搵錢做矯型手術，除咗簽約商場騷包薪月入4萬，上個月秘密會見大台高層，更有意返大台拍劇，問鬼妹係咪等錢洗，所以平價搲撈返無綫，佢否認話：「係傾緊一啲Job，未Confirm，未落實。需要時間，就算係傾都未必即時，可能心年先得。」佢強調唔係價錢問題，最緊要係工作方向，無論拍劇、做節目、做司儀都無所謂，可以嘗試唔同類型工作，鬼妹形容自己似一個樓盤，佢話：「自己係OPEN OPTION，好似樓盤咁，可能人哋以為2015年尾樓盤好貴，但係我一向收得唔貴。」
佢曾患抑鬱，對於所有不利傳聞不以為然，不過曾經同經理人鬧翻嘅佢就明言，要搵一個好經理人：「其實每次傳版本唔同，有時話封殺，有時話好好，每日傳方向唔同，總之好多嘢係其他人理解，依家未Confirm，自己唔係急搵工作，自主權大，唔想求其搵，想搵夾嘅經理人。」
鬼妹喺完成鼻骨手術後，會接拍一個廣告，不過佢強調唔係一個矯型廣告，而佢亦唔會接受任何鼻骨手術贊助：「手術我係寧願自己畀錢，之後係有一個廣告配合，依家都係傾緊。」
韓君婷完成首次鼻骨手術 
佢話o依家傾緊啲job，但否認平價搲撈返無綫。 