特首梁振英女兒梁齊昕，喺舊年11月1日凌晨時份，與友人落老蘭慶祝完萬聖節後，行至亞畢諾道準備搭的士離開時，突然掌摑想接佢返屋企嘅母親唐青儀，更當眾指住阿媽、用平淡語氣講出極富爆炸性嘅一句：「you know this mum is not actually my biological mum？（這位母親並非我的親生母親）」隨即旁邊有男子發出「殊殊」聲，要求齊昕：「don't say anything！(不要再說任何話)」語無倫次嘅齊昕，行為古怪瘋瘋癲癲，令人擔心。事隔兩個月，齊昕一直未有再同媽咪出席公開場合，估唔到今晚母女中環再聚，而且仲係喺雲咸街附近嘅擺花街……首先，係咁嘅，晚上7點半左右，梁齊昕喺ig打卡，話畀大家知佢依家食西餐。記者「按圖索驥」，去擺花街1號對面嘅西餐廳，果然見到梁齊昕一個人坐住先。冇見一排，梁齊昕似是發福不少，下巴填滿了脂肪，一時間亦難以認出原來眼前人就係CY女。記者「陪」齊昕等咗十分鐘左右，齊昕媽梁唐青儀先至到。只見兩母女密密傾密密食，非常融洽；未幾齊昕發現記者，即戴番副超，兩人個樣都好似有啲避忌。食咗陣，齊昕一人出去，到附近7仔似來想買嘢，但唔夠10秒又彈番出嚟入番餐廳，但已經再冇黐住媽咪。只見梁太搵朋友傾偈，齊昕就去咗bar枱同友人攬頭攬頸，突然好似有啲bad mood，叫咗杯酒一飲而盡，之後又好番冇事，同阿媽及友人一齊唱生日歌，似係同朋友慶祝生日。食完生日飯，齊昕同媽咪離開，記者即刻影番幾張先啦，但齊昕媽急急上車，齊昕就慢條斯理篤下手機，之後先至斯斯然上車，一齊返禮賓府。
| 梁齊昕今晚被發現現身中環蒲吧，佢媽咪唐青儀亦有同行，但齊昕忽然大咗幾個碼，差啲認佢唔到。（攝影：黃曉程、畢紹基、羅德光） |  掌摑事件發生咗兩個幾月後，難得母女同枱出現 |  齊昕飲得好豪氣吓 |
 飲嘢其間，齊昕不時低頭玩手機 |  又講吓電話咁 |  齊昕一度離開夜店去便利店 |
 臨走嗰陣俾記者叫停影相，背住鏡頭嘅梁太急急腳走 |  反而齊昕就慢條斯理，講埋個電話先 |  齊昕今晚喺Instagram打卡曝露自己去咗食西餐。（互聯網圖片） |
 齊昕早排貼相上Ig都仲見到佢個尖尖嘅下巴，估唔到事隔幾日……就出現咗雙下巴。（互聯網圖片） |
|
鍾意就快D Share啦！
|
|
|
