掃呢頁CODE去手機

2016年1月17日 星期日

創富:學界炒神出神入化 平均「日賺百萬」 __,

三人殺出重圍,終勇奪股王股后寶座。圖左起為Miko、Jack及David。next1/1prenext1/1prenext1/1prenext1/1pre股場賺錢從來非易事,魚缸股友天天做功課或只能賺餐茶錢!閣下可有想過炒股賺幾千萬?以下三位大學生參加了去年9月下旬至10月底期間的炒股比賽,神奇地將200萬的模擬資金滾大超過17倍至3,000幾萬,即每天平均狂賺百多萬,係咪好出神入化?奪冠軍寶座, ...


三人殺出重圍,終勇奪股王股后寶座。圖左起為Miko、Jack及David。

next 1/1 pre
next 1/1 pre
next 1/1 pre
next 1/1 pre

股場賺錢從來非易事,魚缸股友天天做功課或只能賺餐茶錢!閣下可有想過炒股賺幾千萬?以下三位大學生參加了去年9月下旬至10月底期間的炒股比賽,神奇地將200萬的模擬資金滾大超過17倍至3,000幾萬,即每天平均狂賺百多萬,係咪好出神入化?

奪冠軍寶座,全靠在20秒內炒賣細價股波幅,令200萬資金增至3,966萬元,成為極速炒股王。「今次同升市玩法唔同,升市會搵啲市場當炒的股份,但跌市就要買細價股,短時間炒波幅套利。」

尋找大戶追捧的愛股是他比賽的主要策略,「開市頭一個鐘,會睇港股二十大成交量及升幅較大的股份,研究佢哋擒日同今日的數據。另外,見到大量資金追捧某隻股,我會即刻撲入。」

他指,「某啲股份的大戶會突然出現,咁我就每10至20秒內買同放一隻股。為咗保障自己利益,唔理升咗幾多都會放,所以幾分鐘內可以炒好多次。」他指,五龍電動車(00729)、中芯國際(00981)及中國創新支付(08083)等都是炒得較多的股份。

與過去獎項不同,今次贏得模擬投資比賽的首三名,除了獲現金獎外,更可獲安排到中銀香港工作實習。Jack表示,「因為自己係讀風險管理,所以都希望可以到風險管理部門,或者市場部實習。」

David咁熟口熟面,原來是上屆冠軍得主。今年雖屈居第二,但總資產值增至3,845萬元,較去年的2,083萬元多1,762萬元,證明他再次勝出並非僥倖。

「今年比賽緊張過上年,今次頭三名都追得好緊,中期大家的資產相差大約3至4% 。」面對強勁對手,David跟上年一樣,瞓身力攻細價股。「今次選股會買啲波幅大啲的股仔,見股價升跌一、兩個價位就密密食。」他舉例,當時主力炒賣恒發洋參(00911)、恒騰網絡(00136)等。比賽的期間,原名馬斯葛的恒騰網絡獲騰訊(00700) 及恒大(03333)入主,易名恒騰網絡,當時炒味甚濃。

他亦會研究個股的圖表及盤路擬定買入價,「先留意買賣盤,見到多人買就跟,而圖表方面就留意股價係咪跌到1至兩個月低位,如果係就買得過。」

雖然有晒全盤策略,David亦曾「一子錯,滿盤皆落索」。「記得當時買入中國置業投資(02937),估計可以升兩格,點知急插,惟有忍痛沽貨,結果蝕近200萬。」

投資比賽少有女將勝出,就讀恒管工商管理學系的Miko打破常規,以投資總額3,651萬奪得季軍。

從未有投資經驗的Miko首次參加模擬比賽,一開始已經碰釘。「比賽第2日,買咗一隻細價股,諗住食佢一個價位,點知不停跌四、五個價位,當時決定唔放而且過夜,但第2日有合股消息,結果港股的本金由100萬得番70萬,就知一定要即日鮮,唔可以留過夜。」

吸取教訓後,她參考過去勝出者的比賽心得,再舉一反三,創造個人的炒股風格。「比賽前有搵過上屆的紀錄,研究點解可以將100萬變成2,000萬,發現唔可以單買一隻就賺咁多,結論係要密密做同allin,達到複式效果先有2,000萬呢個位。」

Miko指,策略是挑選當日十大成交額的股仔,再用半至一小時留意股價是否在一至兩個價位徘徊。結果,她在短短個半月不停炒賣五龍電動車、中國軟實力(00139)及前進控股集團(01499)等,令資產升值17倍。

─ ─ ─ ─ ─ ─ ─ ─ ─ ─

「東網Money18」fb專頁:有討論、有分析,齊來FUN享,贏盡●你Like http://www.facebook.com/money18


來源 source: http://hk.on.cc
鍾意就快D Share啦!