掃呢頁CODE去手機

2016年1月7日 星期四

城城射住  Moka豪買 Chanel [壹週刊 - 1348] __,Moka,方媛,郭富城,城城,M1,

上月中,Moka秘密來港「大出血」,日頭攻名店,夜晚攻城。探熱針城城射住 Moka豪買Chanel五張郭富城和27歲北方佳麗方媛(Moka)公開戀情後,惹來議論紛紛,但無論外間反應好壞,二人依然打得火熱,Moka更密密速遞到港,mark實天王男友。聖誕前,身為淘寶嫩模的Moka,唔網購反而孖住友人來港掃貨,在名店買唔停手,超豪!停job做跟得女友郭富城確認方媛女友的身份後,便要專心為新片《永不消逝 ...


上月中, Moka秘密來港「大出血」,日頭攻名店,夜晚攻城。

探熱針

城城射住  Moka豪買 Chanel

五張郭富城和 27歲北方佳麗方媛( Moka)公開戀情後,惹來議論紛紛,但無論外間反應好壞,二人依然打得火熱, Moka更密密速遞到港, mark實天王男友。聖誕前,身為淘寶嫩模的 Moka,唔網購反而孖住友人來港掃貨,在名店買唔停手,超豪!

停 job做跟得女友

郭富城確認方媛女友的身份後,便要專心為新片《永不消逝的電波》埋位,不時香港上海兩邊飛趕戲, Moka亦如影隨形,跟到實!

上月平安夜,內地傳媒便影到郭富城,於上海收工後第一時間會女友,又同 Moka扮錫錫 selfie,愛得好忘我。

「 Moka自從同城城公開戀情後,暫時停接 model job,加上仲係熱戀期, Moka無嘢做大把時間,跟住城城香港上海兩邊飛做跟得女友,但佢好醒, mark住但又俾好多空間城城,收放自如!」知情人透露。

升呢做城嫂的 Moka,挽着大袋戰利品離開名店,轉場再拼。

男友要開工, Moka搵女友陪行街攝時間。

Moka機不離手傳訊息,想必是向城城報告行蹤。

睇啱買冇手軟

城城在上海陪女友共度拍拖後第一個浪漫聖誕, Moka亦有來有往,上月中秘密飛到香港「餵城」,順道展開「出血之旅」。

男友要開工, Moka就搵女性友人攝時間,孖咇出巡銅鑼灣瘋狂購物。戴上粗框眼鏡素顏出動的她,第一站是名店 Chanel,入到店內,馬上有兩位店員上前侍候,其間 Moka邊㩒住手機傳短訊,邊在店內左揀右揀,一心二用。睇完錶又揀袋,升呢做城嫂, Moka睇啱就買,毫不手軟。

上海拍拖, Moka主動從後攬實城城,十分放縱。

工照開女照溝的郭富城,被拍到在上海與女友在 cafe扮嘴 selfie,好忘我!

十指緊扣在街頭漫步,但戴口罩遮樣的竟不是郭富城。

飯後城城當眾「撩牙」,又叫女友幫眼,睇吓有冇漏網殘渣。

見人多戴番罩

之後二人由利園二期行落時代廣場,見街上人流多, Moka謹慎地戴上口罩,唔係名店唔入的她,其間發現記者,即急急腳走人。

「 Moka以前最捨得花錢買化妝護膚品,但同咗城城一齊後就豪咗好多,而家見佢拎親啲袋,十個有八個都係名牌貨!」知情人說。

Moka一夜爆紅,隨即有人指她未公開新「城嫂」身份前, job價只收 3,500元,抵到爛!

城城在上海戲院包場同女友睇戲, Moka全程小鳥依人挨住城城膊頭。

平安夜當日,城城於上海拍攝電影《永不消逝的電波》,收工火速換衫,坐車去接女友。

麻雀變鳳凰

英雄莫問出處!圈中有不少人草根出身,但一夜之間可由地獄直升天堂,衣食住行全面升級,再不愁錢。

吳千語

屋邨長大,父親在燒臘檔斬叉燒,家境極一般的吳千語,撻着有個富爸爸的林峯後,聲價十倍,出入名店住豪宅,從衣食住行到吳家上下,都由男友包起。近日更冧掂林峯購入 6,200萬的嘉林閣,展開同居生活。

梁洛施

父親早喪,母親要在夜場搵食, 15歲就賣身英皇的梁洛施, 07年被李澤楷睇中出手與英皇解約。小小超為重新打造女友,月花數十萬安排她入讀美國史丹福大學,學騎馬學跳舞,更有私人飛機管接送,其後梁洛施為李家誕下三個兒子。 11年,二人宣布分手,有傳她收了五億分手費。

甘比

原本任職娛樂記者的甘比,因工作關係認識大劉劉鑾雄,立即變身上等人,出入司機接送,一身名牌。 08年,誕下女兒劉秀樺後,母憑女貴,獲大劉送贈市值 6,000萬 Mayfair獨立屋及 7,400萬的七卡鑽石,其後生埋個仔,更加要風得風,要雨得雨。

撰文、攝影、攝錄:娛樂組


鍾意就快D Share啦!