掃呢頁CODE去手機

2016年1月7日 星期四

圓洲角公園求婚 土地問題 陳明恩婚期難定 [壹週刊 - 1348] __,陳明恩,M1,

求婚當晚,男友出動女方家長、音樂人徐偉賢及多名教友舉起「MARRYME」幫拖,結果跪地一求,即掂。探熱針圓洲角公園求婚 土地問題 陳明恩婚期難定白皮黃心的34歲鬼妹陳明恩,一口流利廣東話,連搵老公都要黃皮膚。未婚夫Eddy花盡心思,將公園變為浪漫求婚地,又出動女友家長、教友舉求婚牌助威,成功得米,陳明恩趕及2015尾班車,宣布有人認頭。落咗焊!但據知陳明恩同未婚夫一日未解決土地(愛巢)問題,也無法 ...


求婚當晚,男友出動女方家長、音樂人徐偉賢及多名教友舉起「 MARRY ME」幫拖,結果跪地一求,即掂。

探熱針

圓洲角公園求婚 土地問題 陳明恩婚期難定

白皮黃心的 34歲鬼妹陳明恩,一口流利廣東話,連搵老公都要黃皮膚。未婚夫 Eddy花盡心思,將公園變為浪漫求婚地,又出動女友家長、教友舉求婚牌助威,成功得米,陳明恩趕及 2015尾班車,宣布有人認頭。

落咗焊!但據知陳明恩同未婚夫一日未解決土地(愛巢)問題,也無法落實婚期。

露出馬腳

自稱奶黃包,即皮白心黃的鬼妹陳明恩,與初戀男友、任職 dancer的 Eddy Cheng拍拖兩年。還趁着二○一五年將近過去,趕到尾班車做準人妻,早前在網上公布訂婚,標尾會的她,以英文寫下愛的宣言:「 Eddy我很愛你!我已經訂婚了,我可以成為你的未婚妻覺得很幸福,你是一個在多方面都很了不起的男人,我可以做你的女人感到很榮幸,非常開心。」

陳明恩冧爆有原因!未婚夫為要一求即中,即使花唔起錢,都花盡心思。求婚當日, Eddy搵埋陳明恩父母、兄長、經理人及十幾個教友徐偉賢、譚嘉儀等,夾手夾腳用氣球加 I Love U燭光,將女友寓所附近的沙田圓洲角公園布置成浪漫求婚地。

男友花心思搞公園求婚,爆感動嘅陳明恩眼濕濕答應。

同場見證嘅陳明恩父母最開心。

儲錢置愛巢

一心俾陳明恩驚喜的 Eddy,送女友返家途中訛稱忘記買日用品,要求一齊去補購,點知有人失誤,露出馬腳,求婚驚喜不足,靠誠意分搭夠。

「明恩一行入公園,好快就發現有個人匿埋拍 video,想扮驚喜都唔得不過佢都好感動 Eddy咁花心思,揀十二月二十九日求婚,因為 Eddy要遷就喺日本住嘅未來大舅返港探親時間,佢想對方可以在場,見證妹妹呢一刻。」陳明恩好友說。

求婚落定訂,但陳明恩幾時正式做鄭太,卻被住屋問題困擾,令婚期無法落實。

「其實佢兩個打算簡簡單單,教堂行禮,夜晚就同家人食餐飯,唔會大搞,所以結婚唔會用好多錢;因為佢哋要儲定彈藥,結婚先要搞掂個竇,一個 artist,一個 dancer,收入唔會好穩定,依家屋租貴,想婚後有自己天地,所以佢哋好努力儲錢。」陳明恩好友說。

企喺鋪滿花瓣嘅燭光心圈,公園變浪漫場地真係多得明恩經理人、唱片監製劉港源、徐偉賢及多名教友夾手夾腳布置。

求婚後,除夕夜陳明恩孖住未婚夫 Eddy同台表演,一個唱一個跳好夾檔。

未婚夫係佢初戀男友,能夠開花結果,明恩上月底在網上宣布喜訊。

同屬教友的祖藍將她一手發掘, 13年及 14年安排她演出《老表》劇集系列,形象入屋。

明恩父母為澳洲及紐西蘭人,因傳道早年移居香港,造就女兒白皮黃心,操得一口流利廣東話,好地道。

撰文、攝影、攝錄:娛樂組


鍾意就快D Share啦!