戀愛救室 苟芸慧瞄準盛女
情人節將至，無綫小花苟芸慧及沈卓盈（Jessie）女人當自強！冇拖拍的她們化單身為力量，苟姑娘計劃開婚姻介紹所，更瞄準甜蜜戀人，設計情侶裝及婚紗，一條龍服務！而Jessie揚言想搞生意幫盛女由頭執到落腳，去除「公主味」結識異性！
苟芸慧打算開「戀愛一條龍」舖頭，由婚姻介紹到設計婚紗樣樣包！
苟芸慧的點心舖愈做愈掂，情人節一於約埋姊妹上去Speed Dateing！
苟芸慧化單身為力量搞生意，認真有諗頭！
沈卓盈睇中港女的「公主病」，想搞戀愛急症室救救盛女！
攝：張福宏、劉斌
明天便是情人節，單身多時的苟芸慧雖無愛侶，但依然喜歡這個浪漫節日，她笑指過去幾年在工作中度過，十分充實，加上街上充滿浪漫氣氛，令她亦感到愛意：「今年我要約一班單身朋友一齊過，去我間餐廳整嘢食，食完個人都甜晒，同埋希望到時互相介紹！」點心生意不錯的她又打算將「單身」化為生意諗頭：「計劃吓開婚姻介紹所，跟住設計埋情侶裝、婚紗，簡直係一條龍服務！」
難忘前男友送熱飲
苟姑娘又大爆求學時戴眼鏡兼箍牙，但仍有不少追求者，情人節時是全校風頭躉！對於擇偶條件，苟姑娘慨嘆以往接觸的大部分是圈中人，但自從涉足飲食界後便放眼世界，認識了不同界別人士，又自言講心不講金：「男仔做簡單嘅嘢我都感動，唔一定要買好貴嘅嘢，以前試過男友喺我唔方便嘅日子幫我買熱飲，連呢啲日子都記埋，成個人都融晒」
Jessie開班教造型
至於Jessie去年7月承認與拍拖3年的富貴男友分手，她深明不少「女強人」因忙工作而無暇打扮，故希望開班授徒：「依家唔少女仔都畀人話有公主病，我想教唔識打扮嘅女仔改善髮型、衣着、談吐，幫佢哋由頭執到落腳，提升佢哋嘅自信兼減少公主病問題，咁自然容易啲結識同吸引異性」
今年情人節，Jessie打算相約單身好姊妹開主題派對慶祝，一齊打扮得靚靚盡情狂歡，展現「女人當自強」本色！她又自稱屬「實際型」女友：「整朱古力、焗蛋糕呢啲我好少做，反而會睇對方平時嘅打扮，或者需要用啲咩，如果送啲冇用嘅嘢就會嘥咗！」她認為情人節年年有，會期待適合的另一半出現！
場地：點心代表、Gaylord Indian Restaurant
沈卓盈髮型：Ron Ng@HH hair．nail
採、文：影視組、專案組
苟芸慧打算開「戀愛一條龍」舖頭，由婚姻介紹到設計婚紗樣樣包！
苟芸慧的點心舖愈做愈掂，情人節一於約埋姊妹上去Speed Dateing！
苟芸慧化單身為力量搞生意，認真有諗頭！
沈卓盈睇中港女的「公主病」，想搞戀愛急症室救救盛女！
|
鍾意就快D Share啦！
|
|
|