萬綺雯同李思捷真系大攬都扯唔埋，新鮮熱辣被爆雨中漫步、又搭膊頭又疑似激咀，萬綺雯只淡淡回應：「我唔想多解釋，在場朋友知道咩事，呢啲手法呢行成日做。」
44歲美魔女萬綺雯一向我行我素，周一她回復記者時強調：「唔會因為咁而改變我慨生活。」反而老公陳十三連日來都冇出聲，而佢同老婆慨共用微博，陳十三已有大半年冇出現過，但蚊蚊就喪 post同李思捷合照，又系好古怪慨。
睇番蚊蚊呢半年慨微博，佢真系喪 post同李思捷慨合照，加上發生埋雨中漫步事件，蚊蚊似乎都要避忌嚇喇。
新劇就快播，令人懷疑「雨中激吻」系唔系宣傳玩人橋，呢招李思捷經常用。
兩公婆上一次合照，已經系上年 11月，又真系隔咗好耐。
蚊蚊微博 post「七夕快樂」，不過冇講明同老公講喎！
唔拍劇好哋哋，一復出即出事。 44歲萬綺雯轉投TVB後，以美魔女之名迎來事業第二春，同時亦惹上疑似感情第二春。
春卷︰唔需要同我解釋
問春卷有冇叫李思捷避忌一嚇，她說：「避忌？避忌嚇咪仲有嫌疑。」
新劇《牛頭愛搭馬嘴》拍完半年，與劇中對手李思捷的「感情戲」亦同時在現實中上演半年。又會咁啱，蚊蚊結婚 14年，同老公陳十三不時喺微博曬恩愛，半年前拍完劇，兩公婆去完馬爾地夫渡假就冇再 post合照。
14年婚姻感情轉淡？劇集宣傳？記者周一致電蚊蚊，她以短訊回復，「我唔會為咗呢啲虛假報導，而改變我慨生活。」而事件男主角李思捷在截稿前未有回電；女友（或舊愛）王寶寶（春卷）就喺事發第 2日，被影到同紋身男選購床上用品，系唔系報復先？春卷對記者說︰「嗰個系朋友！（李思捷有冇同你解釋過？）佢唔需要同我解釋，我哋都系朋友。」系唔系夾緊口供就不得而知，不過可以肯定慨系，出街拖春卷、出埠攬杏兒、遇上風雨交加慨夜晚就為人妻蚊蚊遮風擋雨……話李思捷唔系食女王？傻的嗎？
春卷昨晚出席電影《超能煞姬》首映，講到最近思捷同萬綺雯影到疑似喺街上面咀嘴慨相，春卷就話：「我都有睇，幾好笑丫。」佢又話李思捷已經同朋友講過當日佢知道有人跟佢，不過報道話李思捷好冧萬綺雯，春卷就話：「好鍾意添！其實佢哋friend咗好耐，我覺得好bullshit，唔好為咗新聞而破壞人哋家庭，玩到咁大。」
|
鍾意就快D Share啦！
|
|
|
