2016年2月13日 星期六

【韓流】宋智孝素顏抵港 粉絲起哄:快啲搵個男友 __,智孝,宋智孝,

韓國人氣綜藝節目《RunningMan》(RM)唯一女成員宋智孝今日抵港,撇低「周一男友」Gary同「假想老公」陳柏霖,準備同粉絲一齊過情人節。宋智孝今日約11:30抵港,為出席聽日喺銅鑼灣皇室堡舉行嘅香港見面會。12點左右出閘口,現場有近20名粉絲到場接機,智孝亦好識做一出閘就向粉絲鞠躬示好,十分nice。智孝身穿白褲低胸貼身白上衣,襯黑西裝外套,黑超素顏,一個黑白look,一直由保安圍圈簇擁步 ...




其他影片:>>






韓國人氣綜藝節目《Running Man》(RM)唯一女成員宋智孝今日抵港,撇低「周一男友」Gary同「假想老公」陳柏霖,準備同粉絲一齊過情人節。宋智孝今日約11:30抵港,為出席聽日喺銅鑼灣皇室堡舉行嘅香港見面會。12點左右出閘口,現場有近20名粉絲到場接機,智孝亦好識做一出閘就向粉絲鞠躬示好,十分nice。智孝身穿白褲低胸貼身白上衣,襯黑西裝外套,黑超素顏,一個黑白look,一直由保安圍圈簇擁步行至a出口面停車場登上七人車。智孝仲同接機嘅粉絲對話、打招呼,十分親民。其間有粉絲埋身送上頸巾同珍寶珠花給佢,佢都一一笑納。收下頸巾時粉絲要求智孝可唔可以做出心心手勢,智孝亦照做,果然識冧粉絲。亦有記者問佢攰唔攰,智孝話「唔攰,好開心可以嚟香港。」記者仲問她會唔會想搵返個香港男友,她只係笑而不語。在場粉絲聽到就叫佢快啲搵返個男友,仲叮囑智孝頸巾可以聽日出席活動時用。另外,同智孝合作拍攝內地節目《我們相愛吧》做情侶嘅台灣男星陳柏霖,噚日喺微博寫住「今年情人節,我和她」。雖然之後秒刪微博,又冇指明「她」喺邊個,但都有唔少粉絲以為佢要公開戀情。不過陳柏霖經紀人否認佢有新戀情,所以推測佢應該係為聽日播出嘅節目做炒作。

攝影:陳順禎 智孝黑超素顏抵港,依然咁靚。 好多人接機呀
場面墟冚 智孝不停咁撥頭髮。 有保安開路
粉絲送禮智孝都一一笑納。 送心心畀粉絲。 智孝「假想老公」陳柏霖噚日更新微博,為節目宣傳。
智孝情人節冇得見Gary

鍾意就快D Share啦!
Related Posts Plugin for WordPress, Blogger...