掃呢頁CODE去手機

2016年2月17日 星期三

又有新車 激嬲十哥 沒收波子 吳若希接手神秘公司揸生日車牌新車 [FACE - 456] __,吳若希,MF,

週一(15日)出席新城電台團拜,吳若希不停笑到四萬咁口,好風騷!真面目又有新車 激嬲十哥 沒收波子 吳若希接手神秘公司揸生日車牌新車23歲吳若希出道6年,是非緋聞多過hit歌,除了同大隻仔溫家偉及大孖周志文玩得埋,吳若希最拿手其實係冧大叔。搵得唔多卻有本事住何文田豪宅,出入以名車代步,有傳靠地產界猛人十哥林棣權照顧。不過最近有報導指吳若希對十哥忽冷忽熱激嬲對方,更被沒收200萬波子!以為得罪米飯班 ...


週一( 15日)出席新城電台團拜,吳若希不停笑到四萬咁口,好風騷!

真面目

又有新車 激嬲十哥 沒收波子 吳若希接手神秘公司揸生日車牌新車

23歲吳若希出道 6年,是非緋聞多過 hit歌,除了同大隻仔溫家偉及大孖周志文玩得埋,吳若希最拿手其實係冧大叔。

搵得唔多卻有本事住何文田豪宅,出入以名車代步,有傳靠地產界猛人十哥林棣權照顧。不過最近有報導指吳若希對十哥忽冷忽熱激嬲對方,更被沒收 200萬波子!以為得罪米飯班主冇運行,原來吳若希早已搵到新碼頭。月前吳若希突然成為一間公司董事,兼秘密入手 80萬星級保姆車代步,新車更以自己生日日期做車牌。咁嘅行頭,拍得住天后容祖兒喎!

一向有大叔緣的吳若希,入行以來經常同各界 uncle關係密切,地產商、會計師及唱片公司高層全部中招,連成龍都當吳若希係契女。

傳靚靚幫十哥出頭

冧大叔有一手,有傳吳若希早前多得地產界猛人十哥林棣權關照,升呢由公屋搬到月租 4萬的何文田豪宅君頤峰,出入亦由 40萬 BENZ幾級跳到 200萬波子,富貴迫人!

不過有傳吳若希近期冷對十哥,經常以工作忙做藉口唔肯見面,令十哥好友袁詠儀睇唔過眼,打電話怒插吳若希過橋抽板,十哥一怒之下更沒收波子,同「世姪女」斬纜!

得罪十哥,吳若希仍有胃口大啖食,完全唔擔心優質生活會受影響!

其中一名「藝能」前董事係吳若希前經理人戴榮添,但戴已於去年 12月辭任董事。而吳若希則於另一董事許宗南辭任當日接手上任。

明知有狗仔隊,吳若希出入用舊車代步,精甩尾!

6間咖啡店老闆

聲稱自己工作忙,其實不知幾得閒。年廿六(4日)下午,吳若希同經理人到中環飲咖啡吹水,坐足 1粒鐘都唔願走。期間密密甜笑傾電話,唔通有新獵物到手?

月前吳若希秘密買入 80萬星級保姆車,車牌「 523」正正係吳若希生日。新車登記公司「藝能投資有限公司」,董事竟然係吳若希!而公司的前任董事許宗南亦非常猛料,擁有著名咖啡店 Coffee Academics及其餘共 25間公司,絕對符合吳若希的擇友條件喎!

吳若希早前揸 200萬波子出入,不過有傳得罪十哥(小圖)後,靚車已被沒收。

吳若希新年得閒同屋企人食團年飯,情人節又大晒藍玫瑰,巴閉喎!

網上圖片

80萬星級保姆車

以生日做車牌的 80萬新車,秘密泊於吳若希屋企樓下停車場。

前董事開咖啡名店

Coffee Academics咖啡店其中一名股東係廖創興創辦人廖寶珊孫女廖偉芬(小圖),家族資產超過 200億。

曾屬「藝能投資」董事的許宗南,亦係 Coffee Academics股東,另外亦有 Tea Academics及「嘉旺娛樂」,另外亦有名下持有多達 25間公司!

天后御用

有本事只買唔租 80萬 Toyota Alphard星級保姆車代步的圈中女星,多屬入行多年的天后級人馬,而入行短短幾年的吳若希都買得起,點解嘅?

劉嘉玲

身家億億聲,劉嘉玲上年 7月豪換新型號,雖然又使咗 80萬,不過最緊要坐得舒服啫!

陳慧琳

Kelly坐開的七人車屬舊款,已買了 3年,但車牌以名字縮寫及生日組成,夠特別!圖片

容祖兒

楊受成 09年以 120萬天價投得「 JY」車牌,祖兒去年花近 80萬買全新七人車,新車襯靚牌!

採訪、撰文:娛樂組

攝影:娛樂突發組


鍾意就快D Share啦!