| 恒基地產主席李兆基 | next 1/1 pre |
恒基地產(00012)主席李兆基(四叔)在公司業績會上預期，樓價唔會跌太多，2、3個月前已提及，樓價每年跌1成，跌到3成便不會再跌；目前樓價較高位已跌了1成半，估計遲些跌到約3成便會企穩；因為發展一個地盤，建築費成本要約5,000元一呎，地價連利息等投地成本又要約5,000元，所以單係成本價都要1萬元；若樓價跌3成，即投地要跌6成，由於建築費難下跌，相信樓價唔會跌得太多。
李兆基表示，集團仍有好多貨尾未賣清，由於現市況淡，估計集團賣樓金額可能只會升少少。現時集團投地較少，集中做舊樓重建，旗下12個地盤，估計可建樓面逾1,000萬方呎，由於集團土儲很多，有很多農地，可以慢慢補價，故土儲是相當充裕。
李兆基又表示，今次舉行業績會，主要是早前公司股票價格回落，估計是有沽空，短炒活動所致，故此今日有必要開業績會，讓外界多些了解公司；而今年有多派息，反映公司業績不差。
四叔指，目前旗內公司沒有重組或私有化的打算，並指，自己已佔大部分股份，希望與小股東共同進退；又話，現已退緊休，返寫字樓的時間2粒鐘都唔夠，多數時間在屋企。
公司高層另指，目前公司股份市值約47元，外界估計及投資中的物業及聯營公司市值，公司股價應值100.1元。
來源 source: http://hk.on.cc
|
鍾意就快D Share啦！
|
|
|
