懷胎八個月嘅黃伊汶(Emme)，上月21號先至喺社交網貼咗一輯搞笑大肚相，實行開開心心迎接小生命嘅來臨。相中見低炒影住Emme巨肚，Emme同老公陳國坤就鏡頭喺巨肚上方笑笑口，隔住個mon都感受到兩人喜悅。等咗咁耐，恭喜陳生陳太，BB出咗世喇！噚晚(即1號)已有傳Emme作動入院生得喇，故早有傳媒在醫院等候。
3月2日凌晨12點05分，陳國坤匆匆趕到醫院，記者問新手爸爸:「嘩，做咩事依家先至出現？」陳國坤話:「冇呀，做完嘢，啱啱先落機咋，即刻趕過嚟喇。」咁Emme係咪生咗喇？陳國坤笑笑口:「應該生咗啩。」你都唔知咁邊個知呀？陳國坤笑得更開心:「應該生咗啦。」又笑言:「個仔唔生性啦。」(意思是早咗出世)至於Emme媽媽接受《蘋果》訪問時亦稱孫仔已經出世，問BB似媽咪嗎？Emme嘅媽媽就話:「都似都很靚仔。」陳爸爸又話此刻心情係緊張同開心，又話一落機即打俾太太。咁太太講咩？陳國坤笑道:「叫我快啲上去囉，所以你哋快啲俾我上去啦。」改咗名未？陳國坤諗都唔諗就話:「陳真囉!」真定假呀？「我個仔個名唔叫陳真，叫乜嘢呀？」說畢又請記者放佢快啲上去探老婆。陳國坤未到之前，Emme好姊妹鄭希怡一早到咗，至凌晨12點半左右，見陳國坤趕到喇，鄭希怡就唔阻佢哋一家三口sweet sweet啦。問佢BB係咪好可愛呢？鄭希怡話:「嘩，好靚仔好靚仔，係我見過咁多小朋友之中最靚仔嘅一個。一生出嚟已經有六嚿腹肌。」咁似爸爸定媽媽？鄭希怡笑道:「兩個都似!似媽咪手長腳長。」更笑產後嘅Emme:「好弗，好似冇生過咁，未見過咁靚嘅媽媽!」咁BB係咪真係叫陳真？鄭希怡話留番俾陳生陳太自己講喇，又話會傳授湊B之道俾佢哋添！
| 恭喜恭喜!黃伊汶同陳國坤個B出咗世喇! |  黃伊汶方才分享靚B相 |  |
 凌晨12點05分，陳國坤匆匆趕到醫院，原來佢啱啱落機咋。(採訪、攝影:潘冠恩、徐錦池) |  陳國坤笑道:「叫我快啲上去囉，所以你哋快啲俾我上去啦。」 |  鄭希怡兩公婆探B |
|
鍾意就快D Share啦！
|
|
|