| 鄧麗欣話同小牛係亦師亦有嘅關係。 | next 1/1 pre |
 | |
| 鄧麗欣終於現身。 | next 1/1 pre |
 | |
| 除眼鏡，企定定畀記者影相。 | next 1/1 pre |
 | |
| 強顏歡笑。 | next 1/1 pre |
 | |
| 眼紅紅。 | next 1/1 pre |
 | |
| 話去同小牛係好朋友，喺排球方面幫咗佢好多。 | next 1/1 pre |
 | |
| 低頭苦思。 | next 1/1 pre |
鄧麗欣（Stephy）與方力申早前透過經理人公司發表「分手」聲明，宣告兩人十年情畫上句號，消息震驚全城。小方之前談到與Stephy分手一事時，說到傷心之處，忍不住落下男兒淚，令全城動容，而期間，女主角Stephy雖然一直身處外地療傷，但傳聞依然滿天飛，其中最驚爆的，是與同性密友鄧衍敏（小牛）的緋聞。
神情憔悴
今午鄧麗欣終由外地返抵香港，在機場接受半百傳媒追訪，而現場除了鄧麗欣公司工作人員等待接機，更有四名保安護駕，認真誇張。鄧麗欣約於五時十分步出閘口，原本戴超的她，除下黑超讓記者拍照，雖然明顯有化過妝，但神情憔悴零笑容。期間有記者問鄧麗欣有沒有喊時，她未有反應，並繼續企定定讓記者拍照。
強顏歡笑
心情明顯不是太好的鄧麗欣，一身黑衣出現，雖然記者係咁衝前，但鄧麗欣都未有太大反應，並數度低頭，似若有所思。在擾攘期間，鄧麗欣偶爾擠出苦笑，但仍耐心等候記者準備，不過就現場觀察，鄧麗欣等候期間一直眼紅紅，但仍有提醒記者有咪高峰出現KICK住情況。
多次避談小牛
「首先辛苦大家，亦多謝關心，辛苦大家今日嚟到接機，咁，ER，其實喺發表聲明之前幾日，我已經離開咗香港，因為希望可以有時間，可以帶媽咪去旅行，亦因為呢件事發生，我希望搵個地方消化吓，同清醒吓，所以聲明前同媽咪去咗旅行。去咗幾日，媽咪先返嚟，我再去咗台灣，除咗放假，我都有私人事，有啲私人嘢要處理。喺呢段時間，都收到好多朋友短訊問候，大家關心，亦都喺呢段期間，其實頭幾日，報道出嚟我唔係好夠膽睇，想冷靜吓先再睇，後尾有睇晒，亦有睇粉絲留言，知道大家都好擔心，朋友訊息我未必一可以一一回覆，我想冷靜。（嚟到呢度即嗚咽，要停咗十秒）（同小牛咩關係？）回應唔係咁易，決定得好快，要分開，同公布，同要回應，我未有時間消化，所以離開咗十幾日，想自己冷靜同好好面對大家。喺公司聲明、自己文章、或小方之前出嚟見大家，都講得好清楚，知大家好關心分開原因，希望大家明白感情係兩個人嘅事，咁多年，三言兩語好難解釋分開原因，希望大家體諒，大家可能覺得我哋係童話，因為除咗我哋本身，可能會加插好多故事，或者合作嘅嘢，其實喺真實感情，我哋同一般情侶一樣要面對好多問題，當問題累積，好難解釋同解決。（小牛最難解決？）我有睇報道，其實今次離開香港去台灣，我要處理，其中一樣就係排球事，大家影到只係我身邊普通女性朋友，大家用正常角度去睇，件事就唔會咁複雜。（怕畀人話同性戀？）我完全冇諗，佢係我其中一位女性朋友，大家唔好再揣測太多，除咗會傷害我哋兩個，亦傷害我身邊朋友，我最唔想發生，因為感情兩個人嘅事，我哋好需要時間、空間消化處理，太多周邊事出現，會令到件事更複雜。（冇機會同小牛發展）再講，佢只係好好朋友，嚟緊排球好多嘢需要佢指導，我哋亦師亦友。」
精彩足本片段，請登入以下連結：
http://goo.gl/BGuBM1
最強娛樂APP《東網巨星》，除咗特備遊戲節目《巨星放題》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：
http://on.cc/redirect/entertainment
|
鍾意就快D Share啦！
|
|
|