Jessica C.師妹 賣身做打女 [壹週刊 - 1357] __,Jessica,Jessica C,M1,

探熱針JessicaC.師妹　賣身做打女經濟不景，就連倒水式使錢的太陽娛樂都要落旨cutbudget，應使則使！例如今年開拍的《殺破狼3》，第二集賺大錢，太陽娛樂食住條水，掟錢拍第三集外，更自家培育新血，當中被睇中包括做了六年model的JessicaC.師妹Wiyona（楊柳青），最近亦決定轉型，賣身做打女。等同白紙一張模特兒出身的楊柳青，去年滿約ModelOne後決定求變，簽約太陽娛樂做藝人。 ...

探熱針

Jessica C.師妹　賣身做打女

經濟不景，就連倒水式使錢的太陽娛樂都要落旨 cut budget，應使則使！例如今年開拍的《殺破狼 3》，第二集賺大錢，太陽娛樂食住條水，掟錢拍第三集外，更自家培育新血，當中被睇中包括做了六年 model的 Jessica C.師妹 Wiyona（楊柳青），最近亦決定轉型，賣身做打女。

等同白紙一張

模特兒出身的楊柳青，去年滿約 Model One後決定求變，簽約太陽娛樂做藝人。

「 Wiyona（楊柳青）入咗行已經六年，當時拍住 Jessica C.做嘢，不過大家都只係留意 Jessica C.個警鐘胸，所以冇乜人理佢。但呢幾年開始幫 nowTV拍嘢，前年佢主持嘅《 Fashion Seoul大激戰》有唔少人睇。」知情者說。

賣身太陽娛樂，卻遇上經濟差公司要 cut budget，但對在演戲方面如同白紙的楊柳青來說，並無分別。

「呢幾年公司投資咗好多戲都賺唔到錢，得《殺破狼 2》係贏口碑同賺錢，證明只要劇本紮實，動作片係有市場，所以公司計劃開套全新人嘅動作片，慳到演員費，製作就可以更落本。呢半年都見咗好多新人，簽咗約就要接受特訓，要操到真係打得似模似樣嗰隻。」

入行做模特兒的 Wiyona，當時挾着 Jessica C.師妹出道，可惜師姐的警鐘胸鋒芒太露，令到 Wiyona毫不起眼。

難得被太陽娛樂睇中， Wiyona自動自覺乜都學，射箭、騎馬、狂做 gym等，雖然過程辛苦，又經常搞到周身瘀，但她明白機會是留給有準備的人，所以咬住牙關日操夜操。

學射箭

狂做 gym

學騎馬

進入特訓階段

已開始進入特訓階段，但同一時間，楊柳青暫時不會放棄做主持及模特兒工作。

「 Wiyona有好多堂要上，除咗學戲劇，仲有武術班、打拳、騎馬、射箭諸如此類，做咗 model同主持咁多年，公司都唔贊成佢一刀切。除咗 Wiyona， Paco（黃柏高）仲見緊唔同嘅人，已經入咗行同未做過嘅都有，但全部都係好 green。」知情者說。

剛簽太陽娛樂的 Wiyona，即被點名為公司一哥許志安拍新歌《表情》 MV，令她感到被重視。

早於 14年， Wiyona便與前 Freeze成員陳樂榣合作搞潮流店 Viva La Diva，生意不錯。

上個月太陽娛樂搞春茗， Wiyona先後與老闆 Alex及周焯華影合照，表現主動。

最近， Wiyona學打拳，希望能操到有腹肌，以最佳狀態演出。

拍過劉華

楊柳青（ Wiyona，原名楊琳）， 08簽約 Model One旗下做模特兒，挾住 Jessica C.師妹之名拍過唔少廣告，當中以同劉華合拍的 OSIM天王椅廣告最為人留意。 11年， Wiyona參加《 2011 nowTV CEO選拔賽》，奪得「最受歡迎 CEO」獎，因而有機會做《女皇駕到》第二輯及《 Fashion Seoul大激戰》主持。

撰文、攝影、攝錄：娛樂組

來源 source: http://hk.next.nextmedia.com

鍾意就快D Share啦！

下一篇 》