「努力咗2年，終於有咗，好似中六合彩咁開心﹗」詹氏夫婦為生兒育女花盡積蓄，去年終於如願，詹太高齡懷孕，全家滿心歡喜迎接小生命。豈料，詹太今年1月尾在聯合醫院足月催生，因產程進度緩慢，醫生用「真空吸盤」始成功吸出BB女。但女嬰情況愈來愈差，翌日發現顱外大量出血，其後轉送瑪嘉烈醫院洗腎，再發現嚴重顱內出血，轉院2日後不幸離世，與父母僅短短相聚8天。詹太質疑醫生用真空吸盤不當導致悲劇，她考慮向醫務委員會投訴。
詹太40歲結婚後，與丈夫計劃生育，不但辭工休養，更經常走訪內地多間醫院做身體檢查及買藥，花費約10萬港元，去年5月終如願懷上首胎。她拭淚憶述︰「努力咗2年，全家好期待BB出世，每朝早見到BB衫、BB床都忍唔住喊。BB點解會死？」
詹太一直於聯合醫院婦產科檢查，胎兒狀況健康。今年1月28日，即懷孕39周作最後一次產前檢查，發現血壓高，即日安排入院觀察。她翌日仍感頭痛，醫生建議催生。但產程進展緩慢，詹太由1月29日早上催生至1月30日凌晨仍未分娩，她曾向女醫生要求「可否開刀生？」醫生回應「你仲有精神講嘢，不如再努力吓，我用吸盤輔助你」，期間另一名女醫生協助。BB女詹雪琳終於凌晨3時27分出世，但隨即出現呼吸困難、發燒及顱外出血等問題，轉至新生嬰兒深切治療部急救。
詹太哽咽稱，以為愛女健康出世，後來才獲通知懷疑腦出血，並要緊急輸血，「係咪吸盤用得唔好？」她質疑，聯合一直堅稱愛女琳琳只有顱外出血，又無解釋出血原因，當中是否有隱瞞；直至琳琳要洗腎，2月4日轉至瑪嘉烈醫院後，檢查發現嚴重顱內出血，2日後不治。
聯合醫院書面回覆詹太指，分娩前已清楚解釋各種分娩方式風險。詹太批評院方卸責︰「從來冇講用吸盤可以嚴重到令BB死，依家晚晚瞓唔到，一到夜晚就諗起佢，愈諗愈唔捨得，我要為BB討回公道。」
聯合醫院表示，對嬰兒離世感難過，向家屬深切慰問，個案已轉交死因庭跟進。院方以千字書面詳細解釋嬰兒出世後，該院的治療及診斷過程，指出以真空吸引術助產有可能令嬰兒頭部出現血腫，為已知風險。顱內出血可源於大量帽狀腱膜下出血引發之彌散性血管內凝血，血液凝固異常及腦缺血引起之梗塞後腦溢血。
|
鍾意就快D Share啦！
|
|
|
