特首梁振英一家涉嫌濫權向機場人員施壓事件繼續引起各界猛烈抨擊，就連補習天王都加入戰場。曾任職國泰航空的現代教育英文科補習名師Tony Chow(周文豪)周六晚在facebook撰文，直斥梁振英講大話，他指過去處理過的眾多個案，從未聽聞地勤人員可以代乘客取行李物入禁區，因若失物是炸彈或毒品，地勤人員拾回後物主「死口唔認」，難以定斷責任誰屬，直言「頭等客都唔會有呢個特權」，更不相信事件是所謂正常程序，「689，唔好屈國泰食死貓啦，你唔壓落嚟，我唔信有人會咁做囉」。Tony Chow在文章開首便直斥「你隻689，你講夠大話未？Sorry，呢次我忍唔到」，他以自己的機場工作資歷，加上近年亦有坐過full fare(全額)頭等，雖然並非事主，但也熟悉運作，所以應有資格評論「特事特辦」事件，認為國泰地勤同事「好慘」，過去若對方是「正常客」，地勤最多亦只能為對方免費改機票，讓乘客自行取回行李，「仲要係俾你用番張機票就人情，唔俾你就道理啦。」同時附上一張印有自己名字的國泰員工名牌，稱自己現非國泰員工故不會畏懼，文章末段更加上「#689呃人」標籤。文章一夜間已有近萬人「畀Like」，逾千人表示「嬲嬲」，有網民留言贊同，「仗義執言，何必sorry」、「做錯嘢唔肯負責，已係特衰正苦緊守嘅第一大原則」，有人更直言「香港之死，但感覺係特事特辦會陸續有嚟」。Tony Chow fb：http://bit.ly/1SX5Mxi
|
鍾意就快D Share啦！
|
|
|
