黎燕珊張家瑩哭別亞視
亞視昨晚終於熄機，正式走完近一個甲子的電視歲月。《東網》昨晚破天荒製作兩個特備節目直擊這歷史性一刻！更特別邀請幾位充滿代表性的亞視人物，包括首屆亞姐冠軍黎燕珊、2007年亞姐冠軍張家瑩、亞視金牌司儀林韋辰等，出席《東網》app及網頁直播的《告別亞視》，以及《東網》與《東網巨星》Facebook專頁直播的《直擊熄機》兩個特備節目，眾人看着亞視「壽終正寢」一刻，無不感慨萬千，黎燕珊與張家瑩均哭成淚人。而事前盛傳會出現的「亞視告別卡」最終並冇出現，亞視在先藍色後雪花的畫面中，正式走完59年的電視台歲月。
《東網》app及網頁直播的《告別亞視》，以及《東網》與《東網巨星》Facebook專頁直播的《直擊熄機》兩個特備節目，與全港市民齊齊迎接亞視熄機一刻。1985年首屆亞洲小姐冠軍黎燕珊、前亞視金牌司儀林韋辰及前亞姐筱靖亮相《直擊熄機》，接受主播俞詠文及陳振安訪問，細訴亞視鮮為人知的往事。2007年亞姐冠軍張家瑩（Grace）更帶同價值三百萬港元的后冠到場，與效力亞視多年的寶珮如（Baby），在《告別亞視》中接受網民於Facebook即時提問，並在直播中即時作答，網民的有趣題目計有：亞姐選美有咩黑幕等。
即時回應網友提問
有網民問「喺亞視做會被人笑？」，Baby即時肯定亞視意義，她說：「我覺得係一個榮幸喎！冇亞視冇我寶珮如，公司畀好多機會我，之後一直喺亞視工作，電視台好有人情味，感覺好濃，諗番好似昨天發生嘅事咁。我當時老闆係林百欣，當時好慶幸公司有好多製作。」Grace亦說：「我同你一樣，冇亞視冇我張家瑩，亞視畀咗呢份大禮物我：后冠！我真係好愛亞視！記得當年經濟好，自己太無知，公司有私人飛機坐，就自覺原來做明星係咁，心花怒放！2008年經濟差，廣告少咗，待遇冇咁好，我經歷過幾個亞視朝代，八年四個老闆！」
亞視終於熄機，黎燕珊抹淚說：「真係好唔捨得，我媽咪都好唔捨得。」男子漢林韋辰亦講到眼紅紅，慨嘆亞視不應解散製作部：「呢個做法係錯嘅，即係冇自己資產，唔再製作即係唔需要咁多演員同工作人員，但個台冇嘢，變咗愈嚟愈輕。」筱靖則說：「心情好起伏，我臨尾鬧亞視鬧到畀人雪，我烈女嚟嘛！不嬲敢作敢言！想人記得亞視，我覺得應該做好自己，咁先係回饋亞視。」
林韋辰難忘陷「戰地」
期間，林韋辰憶述《今日睇真D》與無綫的良性競爭：「好似戰地記者咁！記者車隨時有背心，一見到有嘢就着上身走去拍，又試過導演打嚟話即刻要飛，幾好玩！亞視雖然冇乜錢，但大家都諗盡方法去做，變相逼到好多勁人出嚟。」
至於盛傳熄機前會出現的「亞視告別卡」，最終並冇出現，亞視只播出藍色畫面，接着就是雪花，約一分鐘後，畫面出現香港電台接棒畫面，並以中英文寫出：「歡迎收看港台電視31A 本台即將與數碼頻道港台電視31A同步播映」訊息。由於熄機事出突然，Grace與Baby見到亞視突然熄機不禁熱淚盈眶：「點解咁突然？」Grace則說：「我冇諗過自己會喊！」
文：影視組
|
鍾意就快D Share啦！
|
|
|