太陽娛樂文化老闆周焯華(洗米華)同Mandy Lieu搞婚外情，搞到正印老婆陳慧玲(Heidi)心死主動提出離婚，洗米華一家上下都撐硬洗米嫂，而洗米嫂亦十分堅強，獨力照顧大女周梓潼同10個月大孻女周善潼。洗米嫂靜咗一排，近月積極忙搞生意，原來佢將喺澳門投資搞嘅東南亞茶餐廳生意，擴展到香港，上月中已經喺上環試業中，佢噚日就擺咗幾張新相上fb，佢嘅閨蜜好友、陳山聰大嫂李碧君兩公婆嚟捧場，洗米嫂仲post咗唔少招牌菜，仲留言：「我們的香港東南亞正式試業中，過開香港記得嚟碼頭試下喇。」連之前同洗米嫂同遊韓國傳出緋聞嘅造型師男友人Why Wong都有留言：「早應該開喇。」而洗米嫂亦回他：「之前冇舖位呀。」除咗忙搞茶餐廳生意，洗米嫂亦有搞健康食品店生意，大搞健康果汁，最近仲推出以佢英文名「Heidi」果汁，今日就喺澳門舖搞活動，大女周梓潼同洗米華家姐Candy撐場，而陳山聰就嚟支持大嫂。身穿白短裙嘅洗米嫂依然索爆，之前同佢傳過緋聞嘅Why都有嚟，仲頭貼頭影合照，都幾sweet吓。《蘋果》就打畀同佢夾份搞果汁生意嘅李碧君，佢大讚洗米嫂：「茶餐廳嘅香港生意剛剛開始，佢差唔多日日都去睇睇，我噚日同老公去探佢班。」李碧君透露健康食品店開了18個月，Heidi之前生BB少啲參與：「佢個細女就快1歲，佢應該開始多啲時間搞生意，好似果汁生意，上年佢啱啱生BB，飲生冷嘢唔係咁好，所以支『Heidi』推遲到今年先出。」
| 洗米嫂Heidi近月忙茶餐廳同健康食品店生意，今日喺澳門推廣果汁，更有佢緋聞男友Why Wong撐場。 |  Heidi心情大好，積極搞生意。 |  |
 佢喺facebook推介茶餐廳美食，曾經同佢傳緋聞嘅型男造型師男友人Why Wong也留言讚好。 |  Heidi今日喺澳門健康食品店推廣果汁，緋聞型男Why都有嚟撐場，仲頭貼頭影相，真係巧。 |  洗米華家姐Candy一向都錫Heidi。 |
 大女周梓潼。 |  Heidi有花收，原來係李碧君送。 |  陳山聰嚟捧阿哥陳山海同阿嫂李碧君場。 |
 Why Wong同李碧君影相都係好close。 |  Heidi與洗米華搞緊離婚，3月太陽娛樂喺澳門搞春茗，洗米華死癡住Heidi影合照。 |
|
鍾意就快D Share啦！
|
|
|