劉丹聞劉愷威傳離婚一時，略感勞氣！
藝人劉丹在尖沙咀出席《EYT2016好友會聯歡晚宴》，約有近二百名無綫經典綜藝節目《歡樂今宵》的台前幕後出席，筵開18圍，當中包括丁雨、李添勝、夏韶聲、劉天賜以及鄧英敏等，場面墟冚。
因盧大偉離世大表感慨
受訪時劉丹直認剛才與夏韶聲相遇時都因盧大偉的離世而大表感慨：「今年又少一個人喇，個心都好唔舒服，以後會參加多啲，呢啲見得一次就一次，有時天安排要走都冇辦法。」
劉丹表示今晚能與無綫經典綜藝節目《歡樂今宵》（EYT）的好友聚首一堂感到開心：「啲後生仔未做過EYT就唔知，感覺好特別，好似成大班人合力去搞好件事，好開心嘅！。」
證仔仔同楊冪感情好
談到仔仔劉愷威與太太楊冪聚少離多出現婚變的傳聞，劉丹略感勞氣否認：「之前有人打電話嚟問我呢樣嘢，我都爭啲想爆粗，煩都煩死，成日都係講呢啲嘢，成日有呢啲傳聞好煩，自佢哋結婚開始就有，聽得太多。（佢哋感情好？）梗係啦，佢哋感情好好。依家都搞緊出律師信去告人，告完之後又要Say Sorry，有乜意思呢？不過真係太過份。」
來源 source: http://hk.on.cc
|
鍾意就快D Share啦！
|
|
|