近年Instagram成為一眾創業人士建立網店的首選，除收費較少外，hashtag功能令一眾網店更容易宣傳。七十後的吳家嘉（Eric），○二年中大畢業後曾到Yahoo!工作，七年前決定離職着手寫app，更有份參與開發大台的myTV、GOTV等app。Eric眼見網店愈來愈盛行，上年決定推出Boutir，專攻Instagram開網店的不足，用家只須利用Instagram登入，就可直接將特定相片同步到此app之內，標明價錢及庫存後，再分享到各大社交媒體，標榜「三分鐘就開到網店」。Eric搞app無難度，但由於主打愛開網店的「妹妹仔」市場，他對在網站熱賣的「EXO貼紙」、「森系產品」卻又似乎不太熟悉，咁就有啲麻煩喇!由於Eric創業前都是對電腦為主，甚少與外界溝通，但開網店都以「港女」為主，未知是否樣子問題，他反映見客初期「食過唔少檸檬」，「一開始都笑笑口，但轉個頭就話阻住佢哋做生意，叫人趕我走。」但他都有為「港女」護航，認為她們只係緊張生意。訪問當天，Eric亦親自到專擺小手作嘅市集力sell，現時已有哂經驗，妹妹仔店主普遍受落。他坦言，Boutir發展一年投資額達一百萬，但項目至今零收入，他亦着手設計收費模式，「開始用Boutir的時候是完全免費，但之後就會推出一些月費計劃，追加功能包括promote code、增加交易次數上限等。」撰文：梁延宇
攝錄：林志謙 鄭樹清
來源 source: http://hk.apple.nextmedia.com
|
鍾意就快D Share啦！
|
|
|
