周永恒話已中伏～
藝人周永恒（Roy）在昨晚ViuTV播出由陳淑蘭主持的《晚吹－總有一隻喺左近》節目，談論以「賤格」為主題，節目中阿Roy不停爆粗，更自覺被人玩而中伏，最終爆粗拂袖而去。阿Roy今日在facebook上載當日有關方面，邀他上節目時指出是用探討人性黑暗面作招徠的cap圖留言，他隨即逐一反駁留言：「是咁的，當日viu請我上去是用意探討人性黑暗面作招徠，錄影當日去到化妝間見到蘭子小姐，大家有講有笑，我問佢要唔要對下（吓）稿，因為其實製作部有mark稿的，點知QQ小姐（另一嘉賓陳莉敏）又遲到，終於大家毫無準備下入廠，入到去Pa都有派稿的，點知Roll機時兩位大姐上曬（晒）身，明踩暗串（寸）非常有teamwork，我中伏中得多，心諗主持人、嘉賓唔跟稿，製作部點都會控制下（吓），其實Pa姐姐都經已有用（大字報）提佢哋，我見佢哋原（完）全無（冇）反應，中間叫停了機，直接問監製，何為探討人性黑暗面？我又問，點解主題改成這樣？....伏已中，街已出，錯已成，責已當，唔好屈我為錢同人夾稿，唔該。」
阿Roy亦將viuTV當日聯絡他上節目的資料撰稿員，之後與Roy交談的對話Cap圖給《東網》，對方直指訪問有誤會令他不開心，約他出來喝咖啡傾傾，但阿Roy即時收線冇理對方，並留言：「己所不欲，勿施於人，反思當日，被消費的，不是我的過去，是尊嚴，是信任。」對方則解釋是理解上誤會。
【 http://goo.gl/kuun0Y 】（點擊新聞：【何謂賤格】周永恒錄影中途爆粗走人）
來源 source: http://hk.on.cc
|
鍾意就快D Share啦！
|
|
|
