掃呢頁CODE去手機

2016年5月1日 星期日

87歲父親突離世 劉錫賢跌倒傷腳呻黑仔 __,劉錫賢,姜皓文,黑仔,

劉錫賢透露在前晚佢嘅87歲父親更突然離世,而佢自己又再次跌倒,令佢嘅腳傷上加傷,搞到佢都不禁大呻黑仔。前亞視藝員劉錫賢近期黑氣纏身,早前已有腳傷的他,日前再次跌倒,並傷及左腳韌帶,導致行動不便,而前晚,他的87歲父親更突然離世,令劉錫賢大感愕然兼傷心,他謂:「之前爸爸跌傷入院,接受咗手術之後,都慢慢穩定,跟住入住護老院休養,病情開始反覆,亦曾再入院,之後冇事出返嚟(返護老院)阿妹仲話爸爸精神好好, ...


劉錫賢透露在前晚佢嘅87歲父親更突然離世,而佢自己又再次跌倒,令佢嘅腳傷上加傷,搞到佢都不禁大呻黑仔。

前亞視藝員劉錫賢近期黑氣纏身,早前已有腳傷的他,日前再次跌倒,並傷及左腳韌帶,導致行動不便,而前晚,他的87歲父親更突然離世,令劉錫賢大感愕然兼傷心,他謂:「之前爸爸跌傷入院,接受咗手術之後,都慢慢穩定,跟住入住護老院休養,病情開始反覆,亦曾再入院,之後冇事出返嚟(返護老院)阿妹仲話爸爸精神好好,我仲放下心頭大石,點知即日又再入院,跟住好快就走咗,爸爸走嘅時候,妹妹打嚟通知我,我趕到醫院,佢已經走咗。(甚麼原因離世?)要驗咗先知。」

遺憾冇抽時間陪父親

劉錫賢直言之前因工作忙碌,沒有太多時間探望父親,令他有所遺憾,而亦因為之前簽落的工作不能取消,所以昨晚與今日都要繼續開工,難怪他無奈地表示:「真係對人歡笑背人愁!」

多個工作突取消

劉錫賢這幾日剛巧工作不斷,不過,前陣子卻有多個工作突然取消,令他大呼「好黑仔」:「之前傾緊啲工作,一個就延期,時間唔啱,我做唔到,一個直情取消咗,而最慘嘅係,有兩個廣告傾得好好,但我冇收人訂金,近日佢哋話市道唔好突然話唔拍。(經濟有冇問題?)冇,只係好黑。」

劉錫賢表示現在要盡快清掉手上的工作,然後與三位妹妹一起搞父親的身後事:「妹妹好體諒我工作嘅情況,依家主力搞住先,之後會一齊去搞。」


來源 source: http://hk.on.cc
鍾意就快D Share啦!