走出第三者之名修成正果 Miki嫁永安太子爺約餅女齊生B
Cookies餅女楊愛瑾（Miki）與永安太子爺郭永淳經歷8年風雨，昨日終於修成正果，在親友見證下於深水灣鄉村俱樂部簽紙結婚。Miki直言愛的宣言在心中，雙方已知對方心意，又謂會等埋餅女眾姊妹一齊生B。派對上，一對新人玩得盡興，與眾姊妹影大合照時，Miki更騷長腿跟老公鬥chok，十分搞笑。
現年31歲的楊愛瑾與永安太子爺郭永淳拍拖8年，曾因認識初期男方有老婆伍智恆，一度令她背上第三者之名，後來郭永淳出聲明表示離婚後才與Miki發展還她清白。二人幾經風雨，昨日終於修成正果，由於一對新人都是基督徒，早上先在深水灣鄉村俱樂部由牧師及雙方親友見證下進行簽紙儀式，下午就舉行結婚派對，邀請200人出席。據知，一對新人三星期後會到外地再補擺喜酒，稍後才決定度蜜月的地點。
【簽紙成婚】
■Miki與郭永淳昨早穿上婚紗禮服，於深水灣鄉村俱樂部由牧師見證下簽紙成為夫婦。
【跪地送花】
■郭永淳接新娘時，跪地向穿上裙褂的Miki送花球。
【肉緊咀嘴】
■一對新人在派對上情深互咀。互聯網圖片
【姊妹飛吻】
■Stephy（左）及Kary（右）陪Miki見傳媒，向新娘子送上飛吻。
講誓詞爆喊昨午約4時許，新娘子Miki身穿白色露肩deep V白色婚紗現身，她笑言老公怕醜，故由兩位餅女好姊妹鄧麗欣（Stephy）與吳雨霏（Kary）陪同見傳媒。Miki透露早上在儀式中，眼淺的她已感動流淚，她說：「已叫自己忍住，因為覺得一揭起頭紗就喊會好奇怪，但講到誓詞時都終於忍唔住，佢就冇，不過冇問題，大家都知道對方心意。」問到老公有否講愛的宣言，她表示：「冇講，擺喺心裏面，反而我講咗啲好感動嘅說話，打動爹哋媽咪，因為平時我好少同佢哋講一啲好sweet嘅說話。」
【母女情深】
■Miki媽媽為女兒出嫁打點，盡顯母愛。
【誘惑騷腿】
■派對尾聲，Miki與Stephy等姊妹團齊起飛腳掃郭永淳影相。DV圖片
【甜蜜私照】
■現場放置了不少二人拍拖時的甜蜜相。
讚老公靚仔問到最喜歡老公那一方面，Miki大笑說：「靚仔囉，最緊要都係靚仔。」提到二人經歷種種終於成婚的感受，她笑言：「我哋都知道之後會開心嘅。今日嚟嘅嘉賓都係真心祝福我哋嘅，見到呢個畫面已經好開心。」再問Miki婚後即準備造人生B，她笑言：「我哋都係順其自然啦，有就有，冇就遲啲啦，約埋佢哋一齊生。」
之前有指Miki邀請曾傳過緋聞的鄭中基，但不會邀請舊愛徐天佑，她表示：「冇特別唔請邊個，大部份朋友都係透過電話邀請出席，包括一眾金牌旗下藝人。」不過鄭中基因工作未有現身，由田雞做代表。
採訪：盧妹、陳辰
攝影：葉君海、徐錦池
|
鍾意就快D Share啦！
|
|
|
