2016年5月1日 星期日

林峯玩命血染紅館 __,林峯,

操咗咁耐,林峯大晒鋼條身形弗到爆。
林峯玩命血染紅館前晚「Chok王」林峯的紅館騷開鑼,在女友吳千語及逾萬Fans面前半裸晒腹肌的他,玩命搏到盡,除了吊威吔在紅館山頂凌空漫步外,連飾物亦「暗藏殺機」,開場不久其左手手掌已被割傷血流如注!操咗咁耐,林峯大晒鋼條身形弗到爆。歌手林峯前晚在紅館舉行《HEARTATTACKLFLIVEINHK》演唱會首場,全場爆滿,女友吳千語、堂妹林夏薇、英皇老闆楊受成與太太、無綫高層樂易玲等捧場!林峯以多 ...


林峯玩命血染紅館

前晚「Chok王」林峯的紅館騷開鑼,在女友吳千語及逾萬Fans面前半裸晒腹肌的他,玩命搏到盡,除了吊威吔在紅館山頂凌空漫步外,連飾物亦「暗藏殺機」,開場不久其左手手掌已被割傷血流如注!

歌手林峯前晚在紅館舉行《HEART ATTACK LF LIVE IN HK》演唱會首場,全場爆滿,女友吳千語、堂妹林夏薇、英皇老闆楊受成與太太、無綫高層樂易玲等捧場!林峯以多個Chok爆造型現身,更高難度玩命,舞台設有不少機關,他一度企上吊台及吊威吔凌空漫步,不料連身上飾物亦「暗藏殺機」!開場時他身穿紅色褸扮吸血殭屍跳唱,期間左手染有紅色液體,起初大家以為是化妝,但原來當時已被飾物割傷手流血!他血照流舞照跳,非常專業,直至嘉賓組合農夫踢爆揭發,並提醒Fans跟林峯握手時要輕力一點。

弗到漏零脂肪

減逾20磅的林峯練得一身結實肌肉,到個唱中段他換上白背心黑褲晒麒麟臂,與多位半裸男舞蹈員跳唱,唱至《Once Again》時更High到扯掉背心,半裸大騷身上彩繪,見他完全零脂肪,六舊腹肌相當明顯,全場Fans嗌到拆天!其後舞台噴水及玩火花效果,但林峯騷肌竟然只有一首歌時間,唱《Chok》時即笠上黑色網衫,略嫌唔夠喉!

林峯
  • 林峯
抬頭望林峯,睇見都牙煙!
  • 抬頭望林峯,睇見都牙煙!
  • 放大圖片

其後林峯跟Fans深情傾偈:「咁多年音樂夢想喺晒呢個演唱會,其實第一次開騷已經想爆衫,但冇時間操肌,今次係最辛苦,但最開心!」到個唱尾聲,他深情培白:「現場好多人睇住我大,近兩年我好似少咗啲影視作品,遲啲會陸續多番,都擔心大家係咪唔記得我,但你哋令我有番信心,今次唔知係咪我最後一次演唱會,我比較貪心,想音樂影視各方面都有更多作品。」

林峯負傷繼續唱,笑指當時「唔識痛」。
  • 林峯負傷繼續唱,笑指當時「唔識痛」。
林峯於後台展示5cm長滲血傷痕!
  • 林峯於後台展示5cm長滲血傷痕!

粉絲擔心割傷頸

完騷後林峯受訪,他展示左手手掌長達5cm的傷口,笑說:「唱親《Broken》就真係Broken!幾年前又爆,今次畀飾物整親,最驚係啲血滴落地會跣親人,其實見紅都未必係壞事。」其後他自拍晒手掌傷口,留言向粉絲報平安表示會繼續演出。唱片公司方面表示出事的飾物會繼續佩戴,以免影響造型,並笑指林峯是工傷,但冇入院故不用賠償。不過因飾物掛近頸部,不少Fans擔心林峯忘我演出時會再割傷。

此外,擔任嘉賓的農夫放笑彈,笑指林峯開三場騷已減逾20磅,若開十場可能只剩下20磅,又搞笑將騷名翻譯:「叫《林峯心臟病發演唱會》,我哋都要開《農夫尿道炎演唱會》!」他們又指當年林峯拍劇集《回到三國》時認識:「佢做諸葛亮,成日拎住把扇,仲話:『我有扇(有線)o架!』」另外,一直有傳無綫封殺林峯,而完騷後未見無綫派員於後台採訪。

採:音樂組 

文:影視組


鍾意就快D Share啦!
Related Posts Plugin for WordPress, Blogger...