掃呢頁CODE去手機

2016年5月11日 星期三

江若琳搭上內地相聲演員 機場攬實咀 __,江若琳,

江若琳同曹雲金戀情曝光!28歲嘅藝人江若琳近年主力喺內地同馬來西亞等地發展,專注工作嘅佢甚少有緋聞傳出,不過今日就有報道指佢搭上內地相聲演員曹雲金,二人因拍攝新戲而日久生情!內地媒體影到江若琳現身北京機場,本身記者係認唔到佢嘅,只係認到啱啱落機嘅曹雲金,原來江若琳現身機場就為咗接曹雲金機,二人一見面即刻嚟個懷抱,似乎關係非淺,之後佢就齊齊返男方嘅別墅。去到第二日,曹雲金嘅座駕駛出別墅,江若琳亦喺車 ...


江若琳同曹雲金戀情曝光!

28歲嘅藝人江若琳近年主力喺內地同馬來西亞等地發展,專注工作嘅佢甚少有緋聞傳出,不過今日就有報道指佢搭上內地相聲演員曹雲金,二人因拍攝新戲而日久生情!

內地媒體影到江若琳現身北京機場,本身記者係認唔到佢嘅,只係認到啱啱落機嘅曹雲金,原來江若琳現身機場就為咗接曹雲金機,二人一見面即刻嚟個懷抱,似乎關係非淺,之後佢就齊齊返男方嘅別墅。去到第二日,曹雲金嘅座駕駛出別墅,江若琳亦喺車中,似乎佢喺男方屋企過夜,之後二人直奔三里屯,甜蜜行街街都唔夠甜,仲要買雪糕食。

第三日,佢哋再次出門,仲要有埋曹雲金媽咪,三人行一齊行街,江若琳又食雪糕,不過今次佢就好識做,買埋曹母嗰份,而二人都有講有笑,相處融洽。去到第四日,曹雲金嘅座駕由別墅駛出,直駛機場,當然江若琳都喺度喇,今次到曹雲金送江若琳機,離別之際,一對小情人都唔顧畀人認出,喺大庭廣眾下錫錫!

被譽為「相聲界時尚潮人」

32歲嘅曹雲金喺內地相聲演員,師承名相聲演員郭德綱,曾連續三次上春晚演出,近年仲開始拍攝電影電視劇等,被譽為「相聲界時尚潮人」嘅佢,以前主要係光頭,依家就留咗個藍色平蔭菇頭,好友鄧超曾經讚佢全身上下都充滿幽默細胞,可能就係因為咁吸引到江若琳。


來源 source: http://hk.on.cc
鍾意就快D Share啦!