如果唔係岑杏賢，仲有邊個同男神咁close先？
施馬Sir沖涼你見過未？我見過，我真係見過！憑劇集《鐵馬戰車》飾演「施馬Sir」一角而人氣急升嘅無綫藝員袁偉豪，今日（十一日）係三十六歲生日，喺今日凌晨大約一點半，袁偉豪喺微博上載一段短片並留言：「好聽的生日歌呀！」短片一播，出現嘅係一度浴廉，仲聽到水聲之餘，有把好高音嘅女聲，好大聲咁唱生日歌，而企喺浴廉後面沖緊涼嘅袁偉豪則：「Oh！」咗一聲，即刻伸個出頭出嚟，對住鏡頭展開非常燦爛嘅笑容話：「Thank you! Happy Birthday to me！」跟住用個花灑自淋之餘，仲伸晒脷！
雖然只係見到施馬Sir上身，準確啲講，只係見到個膊頭，不過都已經令人想入非非，唔少網民都留言話出浴鏡頭唔夠喉：「點解唔影落啲？」、「低啲低啲再低啲！」、「不敢想接下來的事情」、「果然長得帥的，洗澡還是那麼好看」同時竟然有人話，呢把女聲似係無綫小花黃智雯，仲留言話：「把聲似黃智雯，而且你表情似係預計之外的一個朋友到來」！唔係啩？施馬Sir同前港姐岑杏賢係公開嘅一對，之前佢哋仲默認同居，施馬Sir自己放呢條片上去喎！唔會咁玩自己嘛？
來源 source: http://hk.on.cc
|
鍾意就快D Share啦！
|
|
|
