好多中國人都信風水，廚房五行屬火，假如睡房對正廚房，傳聞住客嘅脾氣會暴躁啲。就算唔信，其實呢種設計喺煮食時好易搞到張床都有油煙味，好多人都唔like。今次逐呎度嘅新葵芳花園，正正要面對以上問題，主人房同廚房做咗單位嘅「左右門神」，兩者只有三呎幾差距，隨時喺張床都聞到飯香、蒜頭、洋葱、魚腥味等等...情況係點，自己想像吓啦。
今次逐呎度新葵芳花園嘅E座5室，係兩房戶入門版，建築/實用面積為490/400方呎，實用率高約81%。單位採用直廳間隔，唔計玄關，面積逾100方呎，廳長13.43呎，布置無難度。不過部分房間窗位細，光線嫌不足；另大門設有玄關，頗為「嘥位」。
兩個睡房位於浴室左右兩旁，間隔尚算四正，不過有少量角位，擺位時要留意。大房長近10呎，空間感足，惟個別窗位細，光線略嫌不足。
以2房戶來說，廚房、浴室開則勻稱，兩者均有44方呎及近30方呎。另單位不設走廊，不過大門玄關長約6.71呎、闊3.5呎，較為浪費空間。
新葵芳花園是區內指標屋苑之一，行兩步就到港鐵葵芳站，出入方便，且附近有多個商場，僅約數分鐘步程距離；商場內店舖、食肆、戲院有齊，附近又有葵涌運動場，即使屋苑欠缺住客會所，日常生活配套都可謂「無得輸」。
中原分區營業經理鄧偉元表示，新葵芳花園今年都未錄成交，現時買賣放盤約26個，惟叫價較2至3個月前高位回落約15%，目前入場門檻約450萬元起。
─ ─ ─ ─ ─ ─
香港樓市日日新鮮，話題多多，想睇晒最update樓市新聞短片，即刻click入 http://bit.ly/1M2kP95
樓市轉勢，癲價時代告終，上車客、換樓客終於迎來入市機會，今年「真的上車了」！ http://bit.ly/1zZzAUd
來源 source: http://hk.on.cc
|
鍾意就快D Share啦！
|
|
|
