仍然係陳志雲噚晚上祥仔伊館棟篤笑頭場。志雲大師之後仲扮白韻琹講嘢，又話白婆婆回眸一笑，真係唔係人咁品，又讚阿姐汪明荃之前揶揄港鐵主席馬時亨，話港鐵成日加價，好有承擔。講完一輪，祥仔同志雲大師又唱又跳娛賓，係，志雲大師認真畀足面！佢哋仲話要捉兩個台下觀眾上台玩摩天輪。祥仔首先捉咗坐係台下嘅伍詠薇上台，呢個時候，陳志雲就話：「我鍾意男仔，我要揀男仔得唔得先？」雖然大師咁講，不過最後就捉咗陳敏之上台。上到台後，就輪流畀大師逼供：「你哋幾時離開TVB呀，唔使傾」見佢哋冇出聲，大師繼續話：「乜你哋有言論限制嘅咩？」伍姑娘就話：「我8月已經離開咗無綫」聽完後，大師繼續抽水：「因為無綫最近有套《殭》劇，但係收視未如理想，監製話觀眾水平低，我就想話呢，驚我哋攀唔到咁高，唔知幾時先睇到你。」呢個時候，一直冇出聲嘅陳敏之就答：「哎吔！師傅你唔好玩我」大師最後先包番句：「TVB啲確其實幾好睇嘅！」大師，係咪曲線先!?
來源 source: http://hk.apple.nextmedia.com
|
鍾意就快D Share啦！
|
|
|