【21:45更新】新增前傳片段下午3時48分，45歲姓何婦人闖入屯門鳴琴路輕鐵站路軌，站在列車車頭以身擋車。從讀者片段可見婦人情緒激動，不斷指罵月台上輕鐵職員， 有人大叫「我同你玩嘢」，遠處婦人兒子激動哭叫。其間對面線列車駛過響號示警。當時有乘客下車，亦有市民圍觀，有人不值婦人所為大罵：「你阻住我湊仔返學，放學呀！」婦人無理會，其後有輕鐵職員勸諭「半推半拉」下將她帶離路軌。婦人稍後送院。受事故影響，輕鐵服務一度受阻。讀者彭小姐晚上聯絡《蘋果》，她指婦人情緒激動有原因，因為她與兒子之前在新圍站上車時曾遭車門夾腳。她指，當列事準備關門，婦人與兒子登車，結果她遭車門夾中左腳。婦人登車後激動指罵車長，兩名月台助理上車勸諭不果，婦人不肯下車，「後面啲車嚟緊，冇辦法之下，兩個月台助理跟埋上車，架車都要照開」。車廂內有多名乘客勸阻「你知唔知後面啲車俾你塞住晒」，婦人兒子亦受驚雙手掩耳，眼泛淚光。列車抵達鳴琴站後，婦人與車廂內手持拐杖紅衣男乘客爭執，責罵對方「你個殘廢嘅，你一係死啦」，紅衣男與婦人拉住，車廂內月台助理分隔二人，婦人亦向月台助理發難「你哋個個人都走嚟蝦我」。
此時婦人身旁的兒子驚慌大哭拉住母親「媽咪，落車」其後婦人與兒子下車，但她「一落車就揈開個囝隻手，跑去路軌，係咁鬧『開車呀，撞死我呀，而家你（司機）夾親我隻腳，搞到成車人係咁鬧我』」。彭小姐續指月台助理曾叫她返回月台，並稱輕鐵司機當時曾向女人道歉，惟婦人卻說「你依家道歉太遲喇」。港鐵稱，下午3時許，一列開往三聖的505輕鐵列車，在抵達嗚琴路時，有女乘客下車經行人過路處走到列車前阻礙行駛，數分鐘後由車務人員陪同離開路軌，返回安全位置，期間列車受阻7分鐘。港鐵續稱，該女子涉嫌違反香港鐵路（西北鐵路）附例擅闖路軌，最高可罰款5000元，已向她發出擬檢控通知書，並交給法律部跟進。
想睇最新消息？ 即時follow【現場－蘋果突發】fb！http://fb.com/applecitycrime
| 女子與紅衣男及職員理論，其後走到路軌。（讀者彭小姐提供圖片） |  女子打開雨傘遮陰，繼續謾罵。(讀者JACK WONG提供) |  女子在路軌擋着列車行駛。(讀者JACK WONG提供) |
 一名幼童在遠處哭叫。(讀者JACK WONG提供) |  女子由職員帶離開路軌。(讀者JACK WONG提供) |  事主送院檢驗。（黃昇攝） |
|
鍾意就快D Share啦！
|
|
|
