苑仔話如果出書，會教人點樣做自己。
製作人楊紹鴻今日在馬鞍山出席新書《一起走過的日子》記者招待及簽名會，多位藝人好友撐場，包括米雪、江美儀、鮑起靜、苑瓊丹、吳浣儀、姜皓文等等。
苑瓊丹接受訪問時，被問到爆咗咩畀楊紹鴻寫落書度，她笑言：「我使乜等佢爆，我慣咗自爆，我一向都自爆㗎你買嚟睇吓咪知囉！」問到她會否出書講婚姻之道，她搞笑說：「我已經係專家啦，我縱橫情場咁多年，咩類型嘅男人都見過，點樣對付佢哋我心中有數啦。出番本書教大家點樣做好自己，修成正果都好喎！」問到會否搵老公寫序，她說：「搵邊個寫都得啦，搵佢寫？佢可能得『八婆』兩個字。（老公平時唔敢發脾氣？）佢邊夠我嚟呀，佢聰明人嚟嘅，知道幾時應該出聲，幾時唔出聲。」
版稅收益捐慈善機構
另外，同場的米雪接受訪問時亦稱：「我乜都講晒畀佢（楊紹鴻）聽㗎喇，識佢好耐喇，今日好開心，見到好多老友。」問到下年是否拍《溏心風暴3》，她說：「未知呀，如果係就好喇，我哋又有福，觀眾又有福。」
而楊紹鴻在台上亦多謝各方好友支持，他謂：「我本身都冇諗過出書，不過佢哋個個話『出啦出啦，我哋口述，你幫我哋寫啦』，入咗呢行40幾年，真係好感觸，又有好多經歷，多謝一路以嚟支持我嘅朋友。」他又希望大家要多多關心學生問題，並謂將所有版稅收益捐給慈善機構，希望各界關注學生問題。
來源 source: http://hk.on.cc
|
鍾意就快D Share啦！
|
|
|
