麥明詩真係快人快語，小編開始鍾意佢。
麥明詩早前有份主持的無綫節目《星星探親團》播出其主持部份後，回響十足，有人讚亦有人彈，有網民指她晒名牌、晒學歷，又指她離地，雖然麥明詩早已回應過，但在今晚播出的《一綫娛樂》節目中，仍特別為麥明詩做了一次平反式專訪，由她親自為「離地」指摘作解釋，她直言：「第一集我哋想講夢想，因為有夢想先有動力。（係咪講夢想，所以離地？）係正面嘅離地，其實當我入咗呢間大學（劍橋），都覺得離地，佢哋追求嘅學習環境同平時嘅唔同，可能一啲大學會讀金融，一啲好現實嘅科目，而我有啲同學，會去學霍金理論，去計黑洞，呢啲都感覺好離地，但當面對現實，搵工嘅時候，有佢哋嘅困難存在。」
雙親為負面報道心痛
對於負面報道，麥明詩直言父母有感心痛，她只好不斷安慰雙親，並向父母進行一連串「潛移物化」的洗腦式思想教育，令他們明白受到關注好過零話題，麥明詩表示：「依家遇到一啲唔係咁開心嘅報道，佢哋會鼓勵（安慰）我，同我講點擊率都幾高呀，我就話你哋講中個point。」
豪邁食相曝光
而一心幫麥明詩平反嘅無綫，更專誠剪輯了麥明詩的蝦碌片段，並冠以「堅‧貼地」的環節名稱。當中包括麥明詩懶理港姐身段、大啖食嘢的片段，以及麥明詩談及對走光一事的看法：「都係褲啫，反而導演仲緊張過我，成日提我。」另談到入行後遇到不少負面批評，麥明詩則表示：「呢一刻可能覺得好大件事，但Life must go on，大不了唔做。」不過該話一出，麥明詩即搞笑地叫「cut咗佢。」樣子及表現均相當可愛。
來源 source: http://hk.on.cc
|
鍾意就快D Share啦！
|
|
|
