謝安琪低b演技係有原因，大家睇完之後明白晒，仲讚佢演得好添！
謝安琪（Kay）首次做電視劇女一，在無綫劇集《殭》飾演「善良女殭屍」藍夢南，樂壇天后的處女作，本來令人期待，不過謝安琪在劇集初段嘅戲份卻遭負評炮轟，有部份網民毫不留情，狠辣地轟謝安琪39歲扮妹妹仔、老、厚妝、造作、扮嘢、難頂及演技差，雖然明知有些是刻意、故意、例罵，但總會令到見慣惡評的謝安琪心中難受。
由踩變讚
但自上周播出謝安琪送鑽石鏈賀妹藍夢瑤（陳凱琳飾演）畢業、及為救妹而自發變殭屍的親情戲，還有在壁畫留畫暗示離開刑活著（鄭嘉穎飾演）的內心戲，幕幕真情流露，謝安琪的「淚功」感動人心，令觀眾「喊埋一份」，網民隨即「轉軚」，撐謝安琪「第一次拍戲，演技算係咁」，更有網民聲稱要為謝安琪遭受的演技平反，全力like佢，「因為劇集愛上你」、「真係做到令人心痛嗰種feel」、「可以睇得出個角色反差好大，係真心設計個角色有驚喜」、「能帶畀觀眾很多層次去猜想呢個角色」等等。
低b有原因
評語逆轉，謝安琪可以話算係「一雪前恥」，她接受《東網》電話訪問時說：「因為藍夢南飲咗泉水先失憶，所以變返10幾歲嘅妹妹仔，但佢經歷咗好多，吸收咗好多人生經驗，個人成熟番變成另一個人咁，其實初初接到呢個劇本時，我預咗硬食（指負評），我都由得人鍾意點寫就點寫，依家知點解我咁低b，讚番我用心去演，我真係好開心。」
至於可會感緊張劇集收視？她說：「唔緊張收視，我都宣布休息，可以唔幫手宣傳，不過想為個劇盡力，所以都盡量配合，或者推遲休息時間。」
來源 source: http://hk.on.cc
|
鍾意就快D Share啦！
|
|
|
