洗米華辦妥離婚 Mandy月尾生仔坐正做阿嫂
Mandy Lieu為太陽娛樂老闆周焯華（洗米華）再陀「華種」，昨日有報道誤傳她上周已在倫敦產子，實則Mandy尚未生，預產期是本月底，她將會如上胎一樣水中自然分娩，而洗米華下周會再飛倫敦陪伴。據悉，洗米華為給Mandy名份，月前已正式簽紙與陳慧玲辦妥離婚手續，了斷歷時兩年多的「爭米戰」。下個月，Mandy將會帶同一對子女回港，坐正做「新洗米嫂」。
周焯華去年底與女友Mandy Lieu世紀一拖，令正印陳慧玲（Heidi）心死搞離婚，洗米華亦公告給Mandy名份，「爭米戰」終露缺口。洗米華揀定Mandy，Mandy更火速再懷「華種」，更盛傳今胎生仔，連同去年5月誕下的囡囡周願，兩年抱兩，湊夠一個「好」字。至於洗米嫂就活躍搞果汁及茶餐廳生意，自力更生，各有各新生活。
■Mandy Lieu終於坐正，今年2月她與洗米華帶女兒周願遊泰國時，已陀住細仔。資料圖片
■Heidi與洗米華最後一次公開合照是今年2月出席澳門的太陽城春茗。
■Mandy一向身形弗爆，陀B四個月仍然肚平平。
再選水中分娩昨日有報道指Mandy在上周於倫敦已誕下B仔，洗米華在倫敦陪產數天後就返澳門處理生意，指他不時對身邊友人透露喜獲「慈姑椗」。不過，據可靠消息指，Mandy確實身在倫敦為生B作準備，不過預產期將會是本月底至6月初，所以B仔尚未出世。
Mandy今胎亦效法上一胎，會以水中自然分娩，但地點就應該不會是上一胎的貴價醫院The Portland Hospital，屆時洗米華當然會飛倫敦陪產。由於今胎陀仔，Mandy與洗米華都十分興奮，她已幫腹中「米仔」照過4D超聲波，她身邊友人指「米仔」五官似媽咪的混血輪廓。對於Mandy於上周在倫敦生B報道，本報曾向她的經理人求證，回覆例牌否認：「唔係事實唔回應，未收到通知。」而Heidi對於Mandy將生B仔的新聞及簽紙離婚一事表示：「唔回應。」
■去年12月，洗米華高調與Mandy世紀一拖，令Heidi心死提出離婚。
下月舉家回港自世紀一拖後，Heidi決心與洗米華離婚，不過有指期間多次傳出洗米華拒簽，希望有彎轉復合，繼續左右逢源。本報收到消息，洗米華已於月前簽字，並辦妥離婚手續，回復單身，為歷時兩年多的「爭米戰」畫上句號。而Mandy產子後，亦將順理成章榮升「新洗米嫂」。洗米華最近已部署逐步給Mandy名份，早於今年2月，就帶Mandy及囡囡去泰國，跟Mandy友人過年及情人節，之後再飛日本及韓國滑雪，而他為安頓Mandy在倫敦安胎，近兩個月已密密做空中飛人，來回澳門、香港及倫敦三地，平均一個月有一半時間留在倫敦照顧母女，及為BB買定用品準備。
洗米華將於下月底，安排Mandy及一對子女返港，選址港島南區搵大屋築愛巢。雖然Mandy成功奪米，但坐正仍有阻力，皆因周家上下，包括洗米華爸爸及家姐力撐Heidi，故Mandy極可能要靠慈姑椗作為融入周家的契機。不過據洗米華朋友圈透露，他因不想父親不開心，依然未動筆簽字，而太陽娛樂至截稿前未有回覆。
採訪：唐如
■洗米華現在有一半時間留在倫敦，上月底才見到他與Mandy於當地百貨揀BB衫。
醫生話：水中分娩紓緩痛楚Mandy去年5月在倫敦The Portland Hospital私立婦產醫院，以水中分娩誕下B女，雖然今胎不會揀選這所醫院，但依舊以水中分娩生B。而產婦在水中生產的過程中，BB的頭部必須是完全浸在水中，直至身體完全離開母體才抱出水面。
據婦產科聖手何永超醫生表示，水中分娩可以紓緩分娩痛楚，但相對來說，對初生嬰兒健康有潛在風險。何醫生昨在電話中說：「因為水入面好難消毒，如果初生BB吸到啲受污染嘅水，會有機會受感染令個肺腫。曾經有外國婦產科學會作出指引，唔建議孕婦用呢個方法分娩。」
|
鍾意就快D Share啦！
|
|
|