噚晚ViuTV播出嘅《晚吹-總有一隻喺左近》主題係「屎忽鬼」，嘉賓鄧健泓冇大台包袱，大爆大台好多秘聞，佢話自己喺初入行1996至01年所有嘢發展都好好，但係自從01年之後佢出咗嚟簽Paco唱歌，話第一次感受到咩叫「屎忽鬼」，嗰時佢女友係原子鏸，有次佢返屋企，某周刊記者突然走出嚟俾咗一大疊相佢哋，同原子鏸講鄧健泓追過相入面嘅女子，有啲仲有鄧健泓於加拿大嘅感情生活佢哋都知，鄧健泓話:「我開始諗點解有人會知道，咩人想造死我呢，破綻就嚟啦，我係喺兒童節目可能同某啲人講過呢啲事，我啲加拿大嘅感情生活都有同佢哋分享，嗰時冇諗住娛樂圈係咁恐怖，原來呢啲屎忽鬼真係想整死人。」嘩，同鄧健泓同期嘅兒童節目主持分別有蓋世寶，伍文生，張潔蓮等等....不過佢又冇講明，自己同幕前定幕後人講呢啲嘢嘅...之後當然有講返陳志雲事件，鄧健泓同之前專訪講嘅差不多，就話當時個情況，喺判刑當日，佢現身又俾人話搲撈，唔去都一樣會俾人話。 之後鄧健泓突然有感而發，大爆大台一個前導演勁屎忽嘅行為:「行內講緊嘅一個人，真係好紅，唔可以講名，應該大家都知，佢真係屎忽中嘅屎忽，可以用咁嘅語氣話佢，我哋電視台有一個導演，以前啲人都覺得佢好縮骨O架啦，做嘢唔認真，又成日偷懶，結果佢離開電視台，做一間周刊嘅記者，佢最屎忽嗰樣嘢係乜嘢呢，佢走去荷蘭做一個專訪，荷蘭嘅黑市勞工做專訪，佢諗住訪問去一間餐廳訪問啲黑市勞工『辛唔辛苦，你放心我第2日同你做過，我今日趕時間』，跟住返去第2日報警拉晒啲黑市勞工，佢就走去在影呢啲moment，呢啲真係超級屎忽鬼，唔知大家認唔認識，以前係大台嘅，超屎忽，個個都唔鐘意佢，佢同我哋呢班人去一個trip，一個好tough嘅trip，但結果佢屎忽嘅關係好早走咗，『呢啲咁危險嘅嘢我唔做』，鋤大D又出千，講緊唔係賭錢都出千。」節目中出現一個自稱係前電視台幕後員工，自動變聲大爆幕後有個導演靠關係上位，走去剪片房影員工喺攤抖，打機嘅片，仲話警告佢哋「你哋喺度hea，影低啲證據，扣人工呀炒你呀。」由卡呢位嘉賓自動變聲十分投入，娛樂性十足搶晒鄧健泓鏡。
| （ViuTV電視圖片） |  今集鄧健泓上咗晚吹倏嘉賓（ViuTV電視圖片） |  講起佢遇過嘅sedfood ghost講到好肉緊（ViuTV電視圖片） |
 （ViuTV電視圖片） |  今集個嘉賓勁搞笑識自動聲音經過處理（ViuTV電視圖片） |  笑到蘭子癲咗（ViuTV電視圖片） |
 （ViuTV電視圖片） |
|
鍾意就快D Share啦！
|
|
|