不限年齡學歷婚姻狀況 ViuTV破格選美撼港姐
ViuTV舉辦的首個實況選美節目《美選D.n.A》，與無綫《香港小姐競選》最近同時作招募，擺明車馬「爭女」！ViuTV更擺明寸大台「美貌與智慧並重」過時，宣傳片找來索女模特兒演繹魔鬼與天使；賽制更突破常規，不限年齡、學歷及婚姻狀況，但一定要有香港永久居民身份證，監製曾昭龍解釋：「選香港最靚嘅女仔，一定要香港人」
由開台至今ViuTV都主打「實況娛樂真人騷」節目，《跟住矛盾去旅行》和《G-1格鬥會》等均有不錯口碑及製造許多話題。ViuTV最近染指選美活動，以魔鬼（Devil）與天使（Angel）為主題舉辦《美選D.n.A》，前晚在facebook上載破格宣傳片，一個選美廣告竟然有碎肉機鏡頭，還在車房和豬肉檔取景，其中一句：「不完美，最美」，Devil一邊講明有紋身一樣可以參加，Angel方面，文青女當然無任歡迎！
【車房夠爆】
【睇片知規矩】
《美選D.n.A》講明要反選美傳統，只要年滿16歲，不限年齡、學歷和婚姻狀況，而宣傳片便大推Devil Angel，除了有文青、斯文女等正常臉孔，紋身、車房女都受！
【紋身不拒】
■《美選》宣傳片的多角度取景，目的都是宣揚其三不限的參選規條。
互聯網圖片
【肉檔都受】
【清純冬菇】
揀暑假7月篩選今次參選資格比香港選美鼻祖、永恒的亞洲電視更爆，設「三不限」，包括年齡不限，只要年滿16歲，學歷不限、婚姻狀況不限，只要靚就得，截止日期是下月22日，預計7月進行篩選，不過參選者一定要持有香港永久居民身份證，節目監製曾昭龍昨日受訪時解釋：「選香港最靚嘅女仔，一定要香港人」問到是否與無綫打對台？他說：「絕對唔係，咁我哋4月開台，之前plan好咗，暑期啲人得閒啲。」他透露《D.n.A.》在決賽前，佳麗會有真人騷節目，讓觀眾對她們加深認識，他說：「以前覺得紋身係壞事，但𠵱家社會唔同咗，我哋想吸納多啲唔同類型女仔，選到出嚟成為ViuTV一員都好合情合理。」
第一屆MMA女盟主唐紫睿（Hazel），模特兒出身，高大有型格，但可惜中三畢業，所以跟選美絕緣。對於ViuTV的《美選》賽制不限學歷，她認為可以讓更多女仔完成夢想，她昨日說：「呢條橋幾爆，全香港女仔未必個個出嚟好高學歷，會畀好多機會佢哋，應該爆過G1，因為全港女仔都可以參加，多人討論會好大爭議。」
■蘭子大讚89歲媽咪靚女，笑言媽咪參選有一定勝算。互聯網圖片
■廖碧兒（右）昨日與阿倫出席活動後，受訪時希望參選女仔能享受選美過程。
■Hazel只有中三學歷，不敢奢望去選美讚ViuTV條橋好爆。資料圖片
蘭子推薦89歲母 88年港姐亞軍陳淑蘭第一個反應是：「啱，我阿媽89歲都靚，通常我喺fb擺同阿媽合照會特別多人like。如果叫媽咪去選，我可以做星女，睇佢肯唔肯。」華姐出身的廖碧兒也表示支持：「冇乜所謂，最重要表現到女仔靚嘅一面，應該會多一個開心節目畀大家睇。女仔享受過程係最重要，令佢哋有自信同面對將來，呢個可能係佢哋嘅dream。」
採訪：嵐山
攝影：陳慧安
|
鍾意就快D Share啦！
|
|
|